當慢慢年紀大到30歲，屋企不經不覺多左個人，果個係我阿嫂(即我哥老婆)，佢結左婚兩年了，但依然唔習慣，

我相信好多屋企 成員都係冇能力買樓，一個家由細個到大個都係住果度，父母有物業有自己生活，我地兩兄弟住一間

我嫂就由我哥岩岩拍拖開始就已經住係我屋企，當時我成日諗點解一個女仔可以咁樣，而且岩岩開始拍拖就將 所有野搬哂黎，

老實講果陣有D反感

自佢搬來後，每次在房聽到廳到佢打PS4 Wii 等遊戲機，睇戲 煮食 打情罵悄，當我一出去見到好尷尬，慢慢我的家好似越來越細 現在只有房間 先係我的私人空間 至於食飯 只有外賣⋯有時甚至係怕返屋企阻住佢地，有時在家總感覺到寂寞的感覺，常常覺得我到底係唔係外人

首先 我地見面不會打招呼，唔知幾時開始，但初初黎到冇打招呼，一直維持到而家，大約4－5年了 加埋說話不足5mins，

我地一直形同陌路人，我兄係好慳既人，但係慳慳埋埋為左去旅行，每次去親旅行都係豪洗，我唔係評論呢樣野，個個人興趣都不同，我相信呢一世都一起住，自問冇本事買物業，亦覺得唔需要，越簡單的生活 我越希望 不想有供樓壓力

純粹呻下，有時感覺世界好大，但在我眼內我的世界就好似只係間房，我都去過好多地方旅行，我對生活要求不算高，求求其其過生活便夠，沒想過結婚，自覺不適合，間中拍散拖，感覺有點退休生活

或者對好多人黎講我呢種已經叫有父蔭⋯⋯

當沒女友 單身月洗7500左右，已足夠生活，包括交乜費物費加保險，對好多人黎講可能好好，可能大家覺得呢樣好小事，最緊要唔會連屋都冇得住，但現實基本對於任何事情都冇興趣的我，唯一想保留的私人空間 都慢慢變細，成日覺得好似想我搬咁，真係覺得自己有點多餘，興趣只係音響⋯⋯聽歌

父母基本唔會煩佢地了， 兄佢地成日去旅行，佢地邊有錢姐，佢冇講出口叫我搬，間屋其實夠住，600呎左右，3個人住一定夠

我唔係想佢地搬，即使得我一個住我都會覺得好寂寞，間屋如果一D聲都冇可能我會怕添，只係有D懷念以前兩兄弟生活姐，所以呻下，好矛盾

有時候，發覺自己好多餘，對任何野都無慾無求，而家好似等香咁，幾時先到老阿唯一發洩，得上網，唔想同屋企人講完傷害左大家感情，始終係一家人，唯有網絡係不記名，當時人不知道，亦可以發洩心情，或許一切都係我問題

（完）

***************

小編：到時有埋BB，分分鐘你果間房都。。。

via：http://ladies.discuss.com.hk/viewthread.php?tid=25843454&page=1&authorid=5812619

轉載請註明來源：今天頭條