因為工作關係，跟老闆去唔同場合，都會認識某啲明星／名人，試過同一個兩線既女星（賣身材勁既）好岩傾，佢果時咁岩冇男友，好快就撻著。
我地好快就拍拖，佢身材係好，又有小小名氣（即出街會有d人認得佢），但佢性格真係好難頂，可能慣左有人湊（明星保母，賓賓），每次出街我都似奴隸多過男朋友，plan好哂既行程可以一句就收檔，自己就亂咁黎，我話唔順路，佢就話佢鍾意咁，我知佢做呢行，都要避忌下，咪就佢囉。
但除左呢樣，食飯時又想人切哂俾佢食（牛扒果d），又要我隨傳隨到，做司機又好工人又好，總之一叫到就要見到你，又會得閒問我幾時升職呀幾時買樓呀幾時娶佢幾時先配得起佢，自問條件唔差，但正常女人都唔會講咁白掛？
仲有等等等等。。。。
最後，呢段戀情得半個月貨仔，果種難頂我肯定會記一世，除左可以增加虛榮感之外，作為一個女人應該有既品行都可以冇，我勸大家千其唔好搵明星／名人拍拖，絕對，一定唔係人咁品。
***********************
網友話：
——邊有人同 d 明星仔玩到自己咁薯架,明星仔比富豪玩，比富二代中出飛就聽得多，唔識玩就咪玩啦.
事實又唔關明唔明星事. 有品既女明星有大把, 亦大把寒酸冇修養俗到死自抬身價既女唔係明星, 自身問題同職業無乜大關係既
——好同意....尤其係啲二三四線既明星, 會當正自己好正好巴閉咁, 好難服侍
——追星 無好下場
【via：discuss.com.hk】
轉載請註明來源：今天頭條