阿媽十幾年前同老豆離婚，我同家姐就跟左佢一齊住，
點知就系一個錯誤既開始，呢十幾年黎佢一直都系投閒置散咁，
唔肯去番工，靠就靠我老豆比既膳養費黎維持成家生活，而我阿婆久不久都有貼錢比我媽，
但佢永遠都唔當系一回事，覺得有人比錢佢系理所當然咁。
仲要個人系永遠無要慳錢既諗法，因為佢覺得無錢既時候自然會有人伸手比佢，
如果唔比佢佢就會發曬顛一哭二鬧三上吊
我仲讀書個陣存到既零用錢成日會唔見，每次都有幾百蚊，之前佢又試過偷我部iPhone 拎去賣，
有次仲打黎話要自殺點知原來佢扭我家姐計要買部Samsung電話，我家姐唔肯，
趁我番工打黎話想死搞到我趕番去，點知原來系案中案，當時我仲話買部平平地既比你啦，
佢死都唔肯，比我chok多兩下，原來系佢拎左之前部電話去當，而家無錢贖，
想我家姐買部新既比佢佢拎去賣，賣完贖番部電話又有幾千蚊用。
可能會有人問你地比好少家用佢咩!
廣告 -
我而家搵緊份16k 既工，每個月比4500做家用，其他水電屋租雜費都系我比曬，
仲未計我自己要交既雜費，我諗唔明一個正常人點解可以每日用超過150$,
佢成日到月中就會問我拎錢話唔夠洗，自己又食煙，永遠唔食隔夜送，
每日都要出去食飯嘆咖啡咁，日日坐系屋企坐食山崩，番到屋企見到佢咁就零舍勞氣，
尋晚收到張1500$既電費單，我真系呆左!! 兩個人用點解可以一個月用到750$，
我真系嬲到一個極點，我平時死慳死底，食飯都儘量系公司食，
我系出面搵錢既時候佢就繫到幫我燒錢，我真心講句我系恨到佢入骨，
但我唔會唔照顧佢，有時我好羨慕個啲有父母貼埋錢照顧既仔女，唉，點解我人生會系咁
轉載請註明來源：今天頭條