金剛同前女友陳蕊蕊拍咗拖三年，

一直愛得高調～

金剛仲話已經帶過蕊蕊返台灣見家長。

點知金剛尋日接受訪問時

就自爆兩個人4月初已經分咗手啦！

金剛話同陳蕊蕊經常嗌交，

兩個人嘅性格不合有好多分歧喎，

所以唔想再拖落去。

金剛依家已經搬離咗二人之前嘅愛巢，

去咗朋友屋企暫住。

金剛同陳蕊蕊拍拖甘耐以嚟

一齊共渡過好多風雨，

兩個人一直不離不棄咁守護住對方，

可惜呢段戀情始終未能開花結果。

話說2013年時，陳蕊蕊突然被爆同周秀娜嘅前男友陳偉成暗交，

後嚟發現有人一腳踏兩船，

於是網上宣布斷情絲。

金剛當時幫陳蕊蕊出頭，

爆粗鬧爆陳偉成博宣傳；

之後二人開始喺網上傳情，

金剛仲寫低唔少肉麻嘢冧陳蕊蕊，

最後，當然系成功追得美人歸啦！

金剛對陳蕊蕊一直百般愛護，

好似舊年陳蕊蕊喺網上留言話討厭自己，

又話患上咗抑鬱症，而且經常同金剛嗌交。

不過金剛一直無介意，

仲成日陪女友睇醫生添。

而陳蕊蕊早年出寫真，

金剛更加系豪買五十本嚟支持！

而陳蕊蕊亦都系一樣，金剛前年被瘋傳聲稱同女藝人有啪啪片，陳蕊蕊當時力撐男友冇拍過。而舊年金剛喺台灣夜場經歷槍擊事件，身在香港嘅陳蕊蕊就好擔心，仲代男朋友同傳媒報平安，強調事件一定同男朋友無關；仲話如果當時在場，願意會為對方擋子彈添！

親手整蛋糕賀金剛牛一！

又系親手整蛋糕賀金剛牛一，其實唔系好多女仔咁有心架！

依家32歲嘅陳蕊蕊其實系《耳分高下》扮演Sing之天使中「柑桔」一角之後為人熟悉，擁有34F魔鬼身材嘅佢經常都大派福利，展示big爆身材！

轉載請註明來源：今天頭條