結左婚唔係好耐, 已經覺得感覺有少少不同

佢開始愈來愈忙

開始聽少左我講野

開始少左兩個人出去行街既生活, 因為佢真係好倦

知道近排佢做野好忙, 因為公司有唔知咩發展定收購之類

成日出去應酬

有時飲左醉咁返來, 我幫佢用熱毛巾FU

我知佢真係好辛苦, 佢只係想我地生活可以再好D...

我都唔想有怨言

不過有時真係會心淡

記得果次(一兩個月前)佢飲醉左, 有個女聲打返屋企搵我, 話佢醉左

雖然佢話係女同事, 但我開始有D驚, 後來佢話係佢 ASSISTANT , 新人來, 我都見過

上星期六唔知仲咩無喇喇想去CWB食飯, 就同朋友去左, 行過TIME SQUARE, 俾我見到...

佢同個新人一齊, 但我記得佢同我講佢要加班

我呆左企左O係度..... 但我無上前無出聲, 其實心入面好驚

哩幾日我都唔出聲, 想忍, 因為我真係好鐘意我老公

星期三晚我終於忍唔住.... 我問左佢, 點知佢笑... 佢一直笑... 笑左好耐好大聲

我真係忍唔到, 我好大聲話佢笑咩

佢突然好認真咁同我講.....

"我愛妳"

呆左.... 之後佢入書房(平時我唔入去)拿左一盒禮物出來, 說 結婚1314天快樂, 我們是一生一世的

佢話果日係找ASSISTANT 同佢一齊出去選禮物.....

我喊得好緊要... 原來老公咁愛我... 我覺得自己係一個衰人.... 老公真係好愛我....

講出來, 係因為我真係好想話俾大家知, 愛係要有信任, 要相信你老公先會有一生一世... 我愛我老公!!!!

其實果日我發脾氣果日都未係第1314天, 6/10 先係...

有人話老公都有D野... 但我想為老公平反一下

點解我會覺得係自己衰? 而唔係佢有事隱瞞?

因為佢講左一件事我聽

佢本身諗住夜晚6點58分送俾我 (所以我特登果陣影)

因為當年佢係O係6點58分同我求婚... (其實我有少少質疑架.... 點解佢會記得咁清楚....)

佢話佢一直記住我同佢之間發生的事

由佢求婚到結婚, 佢一直記住佢要照顧我一生一世, 所以一直諗住6/10 會同我講佢愛我

所以果日佢都請左假... 同我度左一日

我好感動....... 所以我無再諗佢其他野, 只係記得, 佢想同我一生一世....

有朋友話佢送手錶俾我, 有掛住我, 時時刻刻諗住我的意思

鑽石亦係世界上最破壞唔到的物質之一, 好似我地的感情同關係咁

講講下我都有小小尷尬~~~~~

其實我都有難過的日子.. 好似佢排住做野唔理我

佢返來已經食左飯的日子...

雖然我唔知佢之後會唔會都會咁, 但依一刻我知道想同我一生一世的只有佢

咩叫結婚? 就係非君不可的感覺

我依家都好想抱住佢~~~~~~~~~~~~ 只要有佢的地方, 就係我的家~~~~~

轉載請註明來源：今天頭條