我為呢件事搞到喊左成日...件事好長篇同好複雜...希望大家可以耐心睇完俾意見我!

我同我老公係5年前係倫敦做野時認識, 佢大我2年.

我地結婚隻係2年, 不過一直都冇BB...我唔係唔想生...但老公好似好抗拒咁...

係初初由倫敦返黎香港既時候, 我同佢既感情都好穩定.

到有一次係佢朋友既聚會中, 知道原來係10幾年前識左一個女仔, 而且鍾意左呢個女仔好耐!!

我從來冇見過呢個女仔, 老公係我麵前完全冇提過佢, 所以我一直叫自己放鬆唔好諗太多...

我知道老公有個契妹(S君), 佢細我2年, 有男朋友(K君), 老公知道K君唔係好人所以想提醒S君小心!

我當時贊成, 仲提議老公叫S君同我傾下(始終女仔傾會易接受嘛), 但佢話自己會處理, 所以我都冇再理會.

後來有一段時間我老公會主動打電話俾S君問下K君對佢好唔好或者教S君點處理佢地之間既問題,

大部份既內容我都有聽到, 有時老公既意見其實過左火...個時感覺上覺得老公好似過份緊張....

其實人地既感情問題唔應該由局外人教當時人點樣解決, 我有勸過老公唔好亂加意見俾人...

亦係由個日開始, 老公開始變得好古怪, 同我都再冇性行為, 而且有時會靜靜走埋一邊傾電話,

玩電腦又古古怪怪(之前都已經有, 但後來情況嚴重左)...

直到最近一次朋友聚會我終於見到佢, 當時我遲到, 老公介紹S君係契妹, 但介紹我既時候就直接叫我個名(當我疑心重啦)

同S君傾落覺得佢係一個好易信人, 諗野好純好天真既女仔, 雖然我唔識K君, 但S君話K君好鍚佢又對佢好好,

所以睇得出S君好重視呢段感情...

前兩個禮拜, 老公叫我去一個交友網做會員, 原因係想我查下K君仲有冇玩交友網同有冇做到對唔住S君既事...

當時我覺得無需要咁做, 但佢又好緊張咁, 所以照做, 結果證實左K君真係有玩...

第二日, 老公打電話同S君講左, 仲教佢應該點做, 見佢緊張到好勞氣咁, 其實我個心好酸...

上個禮拜, 老公話佢地鬧交分開左, 我聽到覺得好可惜, 相反我見到...老公係度微笑...我問佢點解笑,

佢解釋話覺得對契妹係好事, 唔想佢俾人呃...之後個幾日, 仲晚晚好夜先返屋企!

到星期日, 因為S君好唔開心飲左酒所以一齊返黎...我問老公呢幾晚發生咩事, 佢解釋陪S君行街散心,

唔想佢亂諗野...我冇意見, 當晚我陪住S君, 老公就係書房訓, 但我知道佢差不多幾分鐘就入房睇下S君....

我個心好難受...好心酸...點解佢會緊張契妹多於我?

琴日我返到公司, 老公打電話叫我上交友網睇下見唔見K君, 我話見, 佢就收左線...夜晚返到屋企,

我見佢係度玩電腦冇出街, 佢笑笑口好奇怪咁話:所有野搞掂曬啦...之後夜晚我地有番性行為...

到左今日放工返屋企...見佢唔係度, 我走入書房用電腦, 但發現有部變聲器...

我開始覺得心寒, 因為之前已經見佢會靜靜走埋一邊傾電話...

頭先佢返到黎, 我忍唔住即刻問佢, 佢即刻發爛鬧我多管閒事,

我地愈鬧愈勁, 佢認左S君就係當初佢鍾意左好耐既女仔!! 佢係S君麵前話我係佢契妹!!!

佢太熟S君性格, 利用S君性格令K君同佢分手...又冇解釋點解有變聲器!!

我真係好傷心...話要離婚, 但佢唔肯! 我問佢想我點, 佢又唔應我!

所以...我唯有離家出走...

我而家唔知應該點做好...我愛佢...亦唔想離婚...

但係我腦裏麵一直諗起佢鍾意S君同埋變聲器既事...

我又驚又傷心...

有冇人可以俾到意見我呀??

轉載請註明來源：今天頭條