可能要而家都捱緊傷痛既人先會明白哩種感受...佢whatsapp冇block到我,搞到我成日裝佢上線時間...
曾經我好似諗通左咁諗住放棄,決心唔再睇佢有冇online,哩段時間係輕鬆左少少...
我以為已經放低緊甚至放低左,但係佢阿媽一打唻問我做乜咁耐都唔過去,即刻咩感覺都返哂黎...
又變到好想搵返佢...但係我明知佢已經係死哂心唔想再理我...所以每次都忍住唔搵捱過去...
前幾日佢阿媽又打唻,又俾我打聽到佢d野,知佢而家已經冇返工,我唔知做乜好似癲左咁忍唔住搵返佢...
唔搵由至可...一搵返佢見佢完全on都唔on應都唔應電話都唔聽,我先知佢已完全唔想理我...
我真係接受唔到佢變得咁快...散果時佢叫我俾佢靜,我好後悔俾時間佢靜...
之前嘈極佢都會應我機,而家俾佢靜完之後唔知佢諗過d乜,變到完全唔理我...
我成日都諗點解d人可以散左都一齊返...我而家好羨慕哩d人...
我同佢一齊左3年,攪足3年....攪到我好痛,岩岩分左手兩個月...但係佢已經完全唔肯再理我...
雖然我自己感覺都已經變左,變到怪怪地見到面可能都會尷尬,但係我哩刻都好想佢肯理返我...
d人成日話散左之後係男人放唔低,女人好快搵第二個...
而家好似掉返轉,就好似本書所講咁,我完全係男人果個角色,而佢就非常絕情狠心
知道佢而家變到咁絕,我又變到好似岩岩散咁咁辛苦...好想嘔好辛苦冇哂心情...
雖然明知佢已經唔會再睇我講d乜,但係我都照sd左我d心聲俾佢睇...
除左咁做我真係唔知仲可以做得d乜...
轉載請註明來源：今天頭條