本田北美分部正式公布第10代Accord引擎配搭，值得留意，三個配搭之中，有兩個都可以選擇6速棍波，

棍波fans唔使驚喺CVT同多段速扭力轉換器自動波大潮流下，再冇「棍仔」玩。

入門級別方面與Civic安排一樣，都係配1.5公升，渦輪增壓。

馬力扭力未詳，但估計最大馬力約為170匹至180匹，與第9代的輸出水平相近。

頂級版引擎容積2公升，渦輪增壓，馬力扭力亦未有明細。

估計最大馬力由210匹起，廠方已表明第10代Accord不會再出現自然吸氣V6引擎，有報道指2公升配搭或有兩個唔同輸出版本，

最高輸出嘅版本或接近280匹。 

引擎內部結構方面，唔算有好獨特嘅新設計，離不開增加渦流、採用多孔缸內直噴燃油噴咀、偷輕活塞連桿等等；

渦輪增壓器方面，配合電動放氣嘩佬（Electric Wastegate），本田話總合各項設計可以令引擎有更早同更強大嘅低扭輸出……

Honda主動同你講「好低扭」，以前一定無法想像。 

波箱有6速棍波同10速自動波揀。10速自動波箱內置四組行星齒輪。  

混合動力系統方面，本田未有提及以邊個容積級數做「膽」，只講明會有兩個摩打，相信會係一前一後，換言之係電子四驅。 

新一代日本版Civic將於七月喺日本開售，有消息指輸港機會唔大，咁比Civic高一級嘅Accord似乎更加冇「餐史」……你估10代仲會唔會有Accord Euro R？

轉載請註明來源：今天頭條