男人與身俱來就鍾意揸棍波車，無野嘅，就係想征服佢，唔想揸自動波比人話手車屎，比人話你係女人先揸自動波。衰就衰在香港真係好塞車，同埋行貨車少左入棍波，攪到而家好多人都轉投自動波懷抱，想揸棍仔唯有買水貨，無得揸唯有懷念下，下面講嘅經典棍仔你哋有冇揸過？

Honda Civic EF9

圖片來源：（forums.vwvortex）

圖片來源：（superstreetonline）

講Civic EG，EK實大把人識，10幾年前喺香港大行其道，梗有一部喺左近，但如果講經典嘅話，老車迷首選一定會講EF，部車係Honda其中一款第一次運用VTEC技術，1,600CC百六匹馬力，偏低嘅駕駛櫈，加上車身輕，完全就係揸緊一部跑車出街！因為呢款車，殿定咗Civic喺車壇嘅地位，開啓後繼車EG，EK最為輝煌嘅Civic時代。

BMW 325i E30

圖片來源：（pinterest.com）

圖片來源：（pinterest.com）

325，無人不識嘅一組數字，一講3系就會嗡325，寶馬最成功嘅車款之一。硬橋硬碼嘅車身線條，加上家族4圓頭燈雙葉面罩，170匹馬力，乾淨直接的純機械操控，除左真喺落場嘅M3外，325真係夠哂玩。最近都多左人搵經典車代步，325算比較容易搵嘅車盤，有興趣不妨留意下。

Toyota Supra JZA80

圖片來源：（jm-imports.co.uk）

圖片來源：（pinterest.com）

直路王，原廠雙渦輪引擎馬力280匹，無限大嘅改裝潛力，加埋前衛狂野嘅車型，令好多車迷為之瘋狂。Supra原本屬於Celica車系，Toyota其後將佢拆返出嚟獨立發展，定位高級轎跑，最後成為日本國寶級跑車之一。

Toyota MR2 W20

圖片來源：（tuningcars.us）

Rx-7,最出名喺佢個偈，1,300cc雙轉子255匹，低排氣但極具爆炸力，最需要保養亦都喺個偈(可能因為真係無乜人識整)，本來呢部扁扁車身嘅車已經非常曯目有型，加埋成為頭D啓介嘅座駕，只可以講一句：係型嘅。

Mitsubishi FTO

圖片來源：（autopolis.wordpress.com）

FTO喺一架比較極端嘅車，無它嘅，充滿肌肉感嘅車身，鍾意佢嘅話就會覺得非常特別靚仔，唔鍾意佢嘅話真係覺得佢好醜樣，唔會有中間，但就喺呢部FTO，喺1994年時推出，一出已經攞咗當年嘅日本年度汽車大獎，Fans會覺得佢喺三菱史上最靚嘅前驅跑車添！部車仲喺成龍大哥其中一部戲入面出現過！

Honda Interga DC2

被稱為本田最快的前驅車，輕易釋放200匹馬力，DC2對比其他前驅車款對駕駛新手嚟講算容易上手，一字燈嘅設計亦成為Integra標誌性臉孔，後繼車DC4曾經改為4圓燈設計，但Fans唔受落兼劣評如潮，Honda急急腳補鑊改回一字燈款喺日本本土發售，4圓燈版本則繼續外銷。

HONDA NSX

日本法拉利，極度流線嘅外型，點睇都唔out，3,000cc V6引擎，唔係講笑當時NSX真係拎法拉利當對手嚟打。喺開發過程中結合了Honda嘅F1技術同車神冼拿嘅意見，最終NSX成為咗Honda嘅超跑代表，全球車壇最有話題性嘅超跑之一。

Mitsubishi Lancer Evolution IV

㨂EVO IV作為經典嚟講，原因喺4代定下了露荀的家族面貌，特大嘅霧燈，跨張嘅尾翼，呢次改動正正突顯EVO嘅霸氣，後嚟嘅五代同六代更加令EVO走上高峰。喺充滿戰鬥格嘅車身下內藏釋出280匹馬力嘅引擎，絕對睇得又跑得，喺WRC賽場上獲獎無數。

80,90年代嘅車壇絕對喺百花齊放，唔同嘅車廠各自推出個性獨特嘅車款，經典何其多，飛雞，R32，小福星，celica，205， W201 190E，900S......要講真係大把可以講，你地中心嘅經典車喺邊款？講出嚟比大家聽分享下。

轉載請註明來源：今天頭條