據美國汽車雜誌Road & Track網站引述autoguide.com消息報道，本田今年5月向日本經濟產業省特許廳（Japan Patent Office，簡稱JPO），為其 11前速3離合器自動波箱申請註冊專利。

11前速自動波箱唔係新事物，美國福特喺2014年已經申請咗相同數目前速嘅自動波箱專利設計，

不過，今次本田嘅波箱結構，似乎有別於傳統嘅扭力轉換器，而係擁有3個離合器。雖然外界對「3離合器」嘅布局及結構所知不多，但有分析認為第3個離合器，主要用作減低轉波時嘅扭力流失，亦都有助縮短轉波時間。

本田近年喺自動波箱配搭上，無段變速（CVT）主攻慳油及大眾化車系，

雙離合器（Dual Clutch）應用於高性能車系（如NSX，上圖及下圖）或混合動力車系

本田慣例冇向外界肯定是否開發11前速3離合器自動波箱，亦冇透露可見將來會唔會「巿販」，更加冇透露會應用喺邊一類型汽車。

本田近年喺雙離合器（Dual Clutch）自動波箱嘅發展唔係一帆風順，

因為旗下日本本土型號Fit嘅Dual Clutch級別，曾經發生多宗召回事件，引來外界質疑本田社內開發部能否同時兼顧開發多種新技術，

事實上，近年本田開始將大規模及重要嘅開發project委託社外企業開發，例如本田全新嘅1公升3汽缸Turbo引擎。

轉載請註明來源：今天頭條