嘩!感受到好強嘅氣呀!悟空、悟飯、杜拉格斯、魔人布歐、笛子魔童及比達等10個立體公仔，通通殺到將軍澳東港城，由7月8日起至8月31日舉行東港城X龍珠Z《盛夏‧最強對最強》展覽。
展區約3千呎以龍珠為主題布置，有「4D龍珠必殺技體感專區」，場內仲設有《龍珠》珍藏展，喺會場正中間，就以「天下一武道會」為主題，fans喺大電視螢幕前練成悟空必殺技——「龜波氣功」及「元氣彈」!
場內亦有超級撒亞人比達上那美星坐嗰架太空艙，可以畀fans坐嚇，又有「花梨塔」又可以畀你輕鬆攀上去，仲有觔鬥雲畀你扮騎，7米高嘅神龍更現身「天下一武道會」，神龍係由日本製造，今次係首次離開日本在外展覽，大家唔使儲齊七粒龍珠召喚喇!
如 果fans一直有收藏閃卡，又可以行嚇「我們的龍珠Z閃卡隧道」，場內有一個「穿梭閃卡時光隧道」收藏咗超過5百張珍藏閃卡，有啲仲係絕版閃卡，又有好多 龍珠係列嘅兒時玩具，另設莊子嘅Capsule Corporation膠囊公司售海外特別版龍珠精品，當中有台灣藝人汪東城設計嘅配飾。
http://hk.apple.nextmedia.com/enews/realtime/20150702/53922471
海賊王中差點把路飛殺掉的10大Boss，傳說中的第一名是他!!!
男人浪漫！７個你絕對不知道的《龍珠》冷知識
海賊王未解的十大謎團，路飛未來的老婆、百受凱多的能力是...
《海賊王》中 10 大最型最霸氣的瞬間!!! 紅髮只說了一個字!!!
轉載請註明來源：今天頭條