唔係掛！！？快人一步，手機變磚 iOS 10更新又有伏？

正所謂「執輸行頭慘過敗家」，有新嘢梗係想即刻試，不過每次iOS放出重大更新時，第一時間下載嘅用家往往中伏。噚晚Apple正式推送iOS 10系統升級檔，不少用家回報安裝後手機同iPad即刻變磚。 據講瀨嘢嘅iPhone/iPad會彈出錯誤訊息，要求用家將裝置連接至PC/Mac iTunes進行系統復修。假如剛好附近冇電腦，你就要忍受暫時冇機用。少部份更直頭卡死喺白底開機畫面。Apple及後表示變磚情況主要出現喺頭一個鐘下載嘅用家，佢哋已經修正問題，現時更新應該好穩陣。不過意外有時好難避免，保險起見大家更新前咪偷懶，記住先行備份，萬一而家升都變磚，就按照番官方建議步驟救機。

文章來源: https://www.twgreatdaily.com/cat90/node1260713

轉載請註明來源：今天頭條