01. 你認為自己現時財富屬於哪一級？（分五等級：優、良、常、可、劣）

答：我和阿倫（譚詠麟）、曾志偉同級，跟超級富豪比，我只係常。

02. 你試過最貧窮是何時？當時情況怎樣？

答：25歲時破產，身無分文，負債纍纍。

03. 你試過最富有是何時？當時情況是怎樣？

答：將來。

04. 每月的收入中，儲蓄、投資及消費分別佔多少？

答：收入唔定，從來唔儲錢，消費可大可少，因為成日有人請食飯。

05. 金錢對你的重要程度屬於哪一級？（分五級：極重要、很重要、重要、不重要、絕不重要）

答：如同空氣極度重要。

06. 你每月開支平均大約多少？

答：養4隻馬、8架車，最低消費6位數字。

07. 你現時身上帶有多少現金？

答：一毫子都無。

08. 你擁有多少個銀行戶口？

答：6、7個。

09. 你幾多歲賺到首個一百萬？

答：21歲時有3間廠。

10. 你現時有否借貸？（包括信用卡、樓宇按揭及私人貸款）

答：只有信用卡，從不借貸。

11. 你現時共擁有多少張信用卡？

答：5、6張。

12. 當中最大的信用限額是多少？

答：無限。

13. 你現時擁有多少個物業？

答：自住一個，但唔係我名下。

14. 第一次買樓時你幾多歲？

答：38歲。

15. 過往你有否投資過物業？

答：從不投資物業。

16. 你有冇投資股票或基金？

答：只買股票。

17. 試舉出三間本港藍籌公司的名稱？

答：滙控、和黃、中銀香港。（編：全對！）

18. 港股在每日何時開市？

答：早上九點半。（編：對！）

19. 現時最看好哪一個國家的貨幣？為甚麼？

答：人民幣。

20. 你認為自己有沒有商業頭腦？

答：絕對有，簡直係天才。

21. 你可曾創業？若有，結果是怎樣？

答：有。一敗塗地，破產收場。

22. 可以分享一條絕世發達的妙計嗎？

答：要勤力、一定唔好離開香港，背靠祖國。

23. 可以分享你為何永遠都嬴馬?

答: 因為我係全職full-time賭馬，你班賭仔係業餘part time賭馬，你地點會夠我賭? 邊個夠我叻？

其實做事最緊要專心，如果樣樣都做，乜野都搞，就只會樣樣都得半桶水。

賭馬黎講呢，我會有規律地投放時間落去，唔似得啲友仔平時用無謂時間黎睇馬報。

我會安排睇晨操，你班賭仔又有冇我咁勤力? 我唔嬴錢就真係無天理喇！

個人資料

姓名：陳百祥

年齡：永遠25歲

職業：藝人

以下節錄wiki資料:

陳百祥（英語：Natalis Chan，1950年12月3日－），暱稱叻哥，金牌司儀之一，無綫電視四大「鎮台之寶」之一，憑主持遊戲節目《運財智叻星》及獻唱同名主題曲一炮而紅。現為無綫電視部頭合約藝員，每年為無綫擔任台慶、慈善節目、香港小姐決賽司儀及足球評述員至今，為今日香港電視界綜藝節目元老、鼻祖之一，亦是1980-90年代的港產片喜劇配角諧星，也曾是歌、影、視、諧星、司儀、模仿等多棲藝人。陳百祥過去甚受家庭觀眾歡迎，惟近年言論爭議不斷，先後在香港免費電視牌照爭議等事件中為TVB護航，令網民反感，其後更因發表反佔中言論而與網民展開罵戰，並使其與網民對立至今。

轉載請註明來源：今天頭條