我係女, 係網上識咗個網友約左我幾次話想見面, 我推咗佢幾次.

始終對見一個陌生人有點唔慣.

但諗住自己啱啱離婚, 係應該出去結識多地朋友, 搵個SP都好啊!

所以當佢再次提出見面咯時候, 我就應承著佢.

到咗約定嘅時間, 佢著住T-Shirt和短褲出現啦.

見到佢心諗做SP係無可能,就當識多個朋友啦.

佢話去食飯, 問我肚唔肚餓, 其實我唔肚餓, 為有個地方坐低傾解, 我話好, 佢無問我中意食咩, 就直接帶我穿街走巷, 最後來到一間茶餐廳佢行著入去, 我猶豫咗一陣, 出於禮貌最終都跟入去坐低.

係一個好吵雜嘅環境,我們每講一句話, 隔離咁臺就望一望我地. 我好尷尬,我諗佢地由我地嘅對話都知道我地係第一次見面嘅網友.

談話主要由佢主導, 佢話佢中三畢業, 做過漁民和油灰水(佢之前無提過), 現在打份室內工. 而令我更驚訝咁係, 佢不停咁問我租樓住定係有自己樓,搵幾錢個月, 點解會離婚, 小孩撫養權屬邊個要比幾錢撫養費等等.

我根本唔CARE佢嘅收入或有無自己樓等問題. 諗住做朋友唔需要交待收入問題. 佢問我做咩工, 我話SENIOR MERCHANDISER, 佢唔明係咩意思. 解釋咗好耐佢都唔知我到底做乜.

佢話新加坡得200萬人, 我話係比香港少約200萬人,應有500幾萬人. 佢堅持自己無錯. 還話自己要去新加坡旅行已做曬功課.

我見同佢無乜話題可以深入探討, 飯也食完啦, 就話走, 佢話好, 佢偷偷地望一望張賬單, 就坐係到唔郁.

咁我拎張單走去收銀臺找數, 等找錢咁時佢慢慢行過來, 比張500蚊我話佢咁份比返我. 40幾蚊比500蚊我找? 我話唔洗啦, 我請算了, 佢即刻收返去並話, 咁好啦下次我請你.

之後就各自去坐車返屋企.

第一次見網友後嘅感受:

1, 佢算唔算係極品港男? 見過如此網友,以後還會唔會夠膽見.

2, 見陌生網友要承擔咁風險: 見之前掙扎,忐忑不安,見之後失落,失望. 或者有更唔好彩嘅騙財騙色.

3, 同你唔係同一思想層次嘅人係唔會帶比你精神上嘅共鳴和成長, 有時真係唔關錢事.

各位CHING， 你地是否見過如此低質素嘅網友？ 你係點樣對待黎種人? 歡迎發表你嘅意見.

有巴打就鬧佢太「港女」：

客觀講句 , 你呢位網友只係文化水平同你有出入 , 但睇唔出佢邊方面賤 , 你又係既 , 之前同佢吹水時留意唔到佢咩料既咩? 一個人既談話內容絕對反映到佢去到咩水平 , 另外而家大熱天時佢著tee短褲出嚟有咩問題? 你唔係諗住下下要西裝骨骨下嘛

via：http://www.discuss.com.hk/viewthread.php?tid=23490211&extra=page%3d366

轉載請註明來源：今天頭條