【港女唔識貨】內向男其實好多優點！！

一大班朋友嘅活動之中，談笑風生說話風趣嘅男士總系最受女士歡迎，畢竟女仔都系怕男人悶，如果文靜到每次聚會只系坐喺度聽，存在感極低嘅內向男一向都唔會系女士們嘅首選。不過，時移世易，內向男反而開始受女生所愛。其實內向男有市場真系有佢嘅原因，如果你真系愛上咗一位內向男，唔知你又發唔發現到佢以下特質：

1. 內向唔同怕丑

怕丑系對住人會有唔好意思，好緊張好慌亂，甚至連說話都會講唔清；但內向只系喜歡一個人，鍾意獨處、多思考、會享受一個人去做一件事，但佢哋同人相處系絕對無問題，甚至社交技巧比普通人更好。

2. 一定要有個人空間

承上點，內向男好需要有個人時間同空間，佢哋喜歡一個人獨處嘅時刻，而且份外享受自由，就算同咗人拍拖，亦唔可以24小時孖住，唔好以為佢哋唔想見你，只系佢哋特別需要透氣。

3. 專一而認真

內向男向來就唔在意其他人目光，亦唔會刻意為咗其他人嘅諗法去改變自己，因為佢哋根本唔希望被注目，所以佢一旦愛上你，腦入面只會諗如何討好你一個，極為專一。

4. 絕少應酬

內向男對於人與人之間嘅活動睇得非常重要，去嘅聚會一定系佢真心珍惜同愛護嘅人，普通應酬或者畀面派對佢哋一律Say No，作為男朋友或者老公，絕對系一大優點。

5. 思想成熟

內向男鍾意思考，幾乎任何時間都喺度諗緊嘢，尤其系自己嘅感受更加系非常清楚，話一就一、二就二，絕不扭擰，同時亦令佢哋有成熟嘅思想，系理想嘅丈夫同爸爸。

金句王

微信號：jinjuking

轉載請註明來源：今天頭條