廣東道Apple Store今日正式開幕！呢間蘋果舖係繼中環IFC、九龍塘又一城、銅鑼灣希慎之後嘅第四間分店，店舖坐落於廣東道100號，即係近中港城嗰邊，所以並非廣東道最多人行經嘅一段。

新店同樣以大型玻璃幕牆為設計重點，行人能夠喺對面街一眼睇哂樓底極高嘅地面及二樓，之但係原來地庫重有一層，全舖其實總共三層。地面主要展示iPhone、iPad等熱賣產品，二樓則用作技術支援同搞講座，而地庫係賣耳機、保護殼之類嘅配件，每層佔地面積唔算好大。

二樓係技術支援

地面賣主打產品，當然係最逼人

地庫賣配件

玻璃樓梯氣勢一般

疑似iPhone 6s顯示面板「原塊上碟」

隨著有傳iPhone 6s已經投入生產，疑似新iPhone嘅零件即源源不絕流出，繼早前機殼前後失守之後，最近中國維修服務商GeekBar亦於微博發布顯示面板照片，面板形狀睇落同iPhone 6相同，亦冇改動到喇叭或相機位置，不過咁並唔代表冇新發現嘅。 雖然面板背面有LCD模組及金屬板擋住，但仍睇到與前作有所差別。最明顯嘅變化係機頂左些角位置出現一個長方形缺口，未知留空位俾乜嘢神秘零件穿過，而目前透過一張低清相實在難以估計。至於面板四周密密麻麻嘅黑點，則可能同Force Touch技術有關。

iPhone 6s機殼前後失守？

繼早前疑似iPhone 6s Plus機殼照片洩露之後，法國網站Nowhereelse今日更取得疑似iPhone 6s前置面板照，今勻真係前後失守喇。照片中嘅iPhone 6s睇落同現有iPhone 6差唔多，而呢個情況相信亦係喺大家預料當中。 據報目前iPhone 6s前置面板嘅生產正進行得如火如荼，估計兩款新機嘅其他部份部件亦已開始投入生產。傳聞指iPhone 6s與6s Plus螢幕解析度保持不變，但內裡將會升級至A9處理器、2GB RAM、1200萬像相機及4K影片拍攝，預計新機將一如以往於9月公布。

轉載請註明來源：今天頭條