【不是潮文．真人真事】
今日喺公司喺whatsapp group大家都只係得一個話題
例牌會問 喂您有無玩pokemon go?
但我估唔到我放工番到屋企我媽都會問我..
「喂您有無玩果個比卡超呀？東張西望都有講呀。」
「點玩咖？好似好多人玩喎！」
我就話周圍去捉啲小精靈咁囉。
然後我媽就問：「捉到會點咖？有錢咖？」
「無錢咖！」
「車！咁點解咁多人走去玩呀....」
問題少女上左我媽的身體
我諗唔到點話佢知其實打機都唔係為錢
人生嘛～有好多事情都係徒勞無功～
不過我無講出口，因為我知道佢唔會明
正當我以為佢已經將呢隻遊戲定義為「無錢的無聊玩兒」時
佢就拎左佢部電話過來話「我岩岩下載左。」
而原因可能係因為我姑姐佢老友喺英國玩緊話好好玩
然後佢就不停叫我教佢，
但我地呢啲貧民區 根本就無精靈可以捉
我就話要出街先有野捉喎，
佢都死心不息話「哦咁我聽朝落街捉啦！」
連我媽媽都被比卡超攻陷了..
世界變了樣～
您在街上捉比卡超
Pokemon Go在世上捉您。
完
/
後記：我媽不停whatsapp同人講：我喺屋企捉到兩個怪獸呀！
轉載請註明來源：今天頭條