索爆人妻胡杏兒同老公李乘德 (Philip) 早前啱啱完成長達75日環球蜜月之旅，分別去過日本、大溪地、紐西蘭、美國、英國、希臘、馬爾地夫等十多個地方，而喺馬爾地夫最後一站，夫妻二人盡情享受陽光與海灘嘅同時，胡杏兒更加作出一個破格新嘗試，就系第一次影泳衣相留念，噴血指數爆曬燈呀喂！

當日胡杏兒影相玩即興，著上黑色兩件頭泳衣喺沙灘影相，身形弗到漏，喺陽光映照下，既健康又性-感，更具異國風情咯～

胡杏兒話成件事都好即興，戴副超就埋位影，頭都唔使Set！

另外，胡杏兒亦披上橙色薄紗漫步沙灘；又著白長恤輕露香肩，抱膝坐喺石灘上欣賞夕陽，配上波光粼粼浪濤拍岸嘅景致，的確靚人靚景靚如畫嘅～

話說今次胡杏兒正式首次影泳衣相留念，佢之後同媒體話：「影呢輯相時，系去度蜜月最後一個站馬爾地夫，我哋住果間酒店入面，有一間店舖系專幫人影相留念，間舖嘅職員知道我哋嚟咗，就建議影輯相。成件事系好即興，冇化妝整頭，戴副超就影。馬爾地夫啲景同陽光都好靚，所以點影都有好有感覺。」

對於自己嘅身形，胡杏兒都好滿意：「身形永遠都可以再好啲，而家比較興健康型，自己都想多啲肌肉，都好努力去練。」而佢最鍾意拎住滑板擺甫個張相，感覺夠曬sporty！

不過講到身形了喎，小編又好自然咁諗返起佢拍《肥田喜事》果個肥妹豬，哇真系好好肉地呀！仲有仲有，點解個樣好似好唔同咁嘅～小編嘅意思系話佢有愛情滋潤，靚咗咁解！

金句王

微信號：jinjuking

轉載請註明來源：今天頭條