而家啲人真係好cheap，結婚真係大哂咩，又唔係同你有親，點解要夾錢比你結婚先，人地去飲已經好比面，你估好想去咩，嘥時間嘥精神嘥錢，新人應該唔收人情，請人食飯多謝人就真⋯

我有次做姊妹超谷氣，個fd結婚搵我做姊妹，咁啱我個排我失業搵緊野做，如果搵到工新工好難請假，所以叫佢唔好預我，（但係都會去飲），點知佢叫我唔好搵工住，等佢結埋婚先，但係離佢結婚有成兩個幾月，佢真係痴線，佢係都要我做，最後睇住由讀書識到大既份上，唔搵工住幫佢⋯

到佢結婚果日，佢冇搵人幫姊妹化妝set 頭，個個披頭散髮成隻癲雞咁，之後佢又冇安排兄弟姊妹做啲咩，門口又唔駛我地坐，換衫又唔駛咁多人，又有佢妹跟出跟入，咁我地咪坐埋一邊自己玩，食飯，之後又話我地唔跟住佢服侍佢，仲要話佢阿媽話：「未見過啲姊妹唔做野」

之後又同我講邊個比左幾多錢人情，話邊個朋友比千幾，邊個親戚比左萬幾，又暗示公價加左$600 ，有人比$500⋯又話有人放飛機⋯聽到我火都黎，其實佢一圍都係$4xxx，食埋啲垃圾，有啲朋友唔熟都黎已經好比面，仲想點∼

果次開門禮是分左$500，我比左$800人情，自己買鞋買披肩，重要5點起身要撘的士，係fd既鄧佢開心我都唔會計呢啲，但係唔好好似老馮咁，接完新娘去完男家，中間空檔時間逼人陪佢影相，我屋企就0係佢影相果度隔離，竟然唔比人返屋企，去個廁所抖下都唔得，成班好似妹仔阿四咁陪住佢，個個著住高踭鞋隻腳損哂，啲兄弟熱到甩肺，又眼訓⋯根本就係比佢虐待

我果陣真係好想同佢講，冇錢咪唔好結婚囉，欠左你架咩！？cheap 精

有網友亦有關於人情方面嘅煩惱：

對於人情方面邊個收呢個問題好煩惱..

最近同屋企傾呢個問題..

我媽話女家既親戚比既人情係女家既阿媽收..

男家就男家/自己個仔袋.. 而新人既朋友就係新人自己袋....

其實係唔係咁?

我好多朋友結婚,所有人情都係自己袋..

我有朋友做婚禮統籌果d..

佢都係答我, 邊個比酒席錢,人情就係佢袋,例如新郎比既就新郎袋,就算女家親戚比都唔會係女家阿媽袋,除非新郎無比禮金...

傾到呢點..我媽好勞氣..好煩..

via：http://www.discuss.com.hk/viewthread.php?tid=24414176&page=1&authorid=5453809

轉載請註明來源：今天頭條