我同我男朋友一齊左三個月，但我發覺佢仲小器過女人！

佢唔比我whatsapp任何一個男仔，

每次見親我第一件事都係check我電話，

睇曬我所有social apps

(facebook, whatsapp, wechat, instagram)有無同任何男性message。

我同佢一齊頭果一個月都仲有同幾個男性chat既，

但佢地每一個都知我有男朋友，

對話入面都有好清楚咁提到我係有男朋友。

對話內容都係好普通既野，

毫無任何曖昧成分。

之後佢係咁發我脾氣

話唔比我同任何一個男性傾計，

所以過左第一個月

我都已經一路無同任何男性傾計。

今日佢無啦啦睇我whatsapp,

又睇返果一個月既對話,

之後又發脾氣，

鬧我同男性傾計,

話我好過份,

仲鬧我係蕩婦,姣婆,話我係公廁,

人地同我講野我就應人。

我真係唔明，

我又唔係溝仔，

點解要咁鬧我？

更何況我已經聽曬佢講無再同任何男性傾計？

依加佢仲刪左我ig，

叫我開過個新，

但唔可以accept/ follow任何男性。

仲逼我delete我facebook,

連停用都唔得,

要成個delete左佢，

話如果兩日內唔delete就同我分手。

最好笑既係，

我叫佢試下block曬d女，

佢話唔肯，

話自己無同過女人講野喎，

我憑咩要求佢咁做。

但其實佢自己都有打過電話比佢個ex！

我真係覺得好辛苦好大壓力！

其實佢係咪好有問題？

我應唔應該同佢分手？

我接受唔到佢既脾氣加控制狂！

(發起脾氣上黎真係好難頂)

其實個個都認為我應該散，

身邊既朋友亦係咁諗。

佢仲要我開個追蹤app check住我係邊，

話係我一手破壞佢對我既信任。

其實我都唔明，

我只係響同佢一齊頭一個月有同男性傾計姐，

我絕對無講過任何溝仔既野，

唔通真係我錯？

頭一個月我真係唔expect所有野改變得咁快。

依加佢因為依件事每一日都keep住話我一次，

even我已經成個ig比佢delete左，

亦停用左facebook,

莫講話同任何一個男人有聯絡。

我真係好辛苦好辛苦，

但我中意左一個人就真係好唔捨得放手，

我唔知可以點做。

我見到有人comment話除非個男人好有錢當打工咁拍拖，

我想講唔係，

其實我地食飯係一人一餐咁比，

但佢仲可以覺得係因為我，佢先無錢，

我想講佢乜都無送過比我，

點錯係關我事？

我自問條件真係唔差，

淪落到咁既收場，

我係咪應該真係收手？

via：http://www.discuss.com.hk/viewthread.php?tid=25149391&extra=page%3D144

轉載請註明來源：今天頭條