林峯嘅堂妹、現年28歲嘅林夏薇(Rosina)自2011年加入娛樂圈，一直都保持乖乖女形象，雖然舊年被爆出同金融才俊Jason熱戀，不過二人作風低調，點知低調到結咗婚都冇咩人知！佢哋只係短短交往一年幾，但噚晚已經喺山頂一座超級豪宅低調成婚，恭喜恭喜！

據知Rosina今次低調嫁人都係同老公Jason嘅低調個性有關，佢哋拍拖從未被傳媒發現，就算係劇集《公公出宮》同劇嘅演員都唔知Rosina結婚！而Rosina嘅老公絕非泛泛之輩，44歲嘅佢係美國俄亥俄州立大學土木工程理學士，現為多間上市公司的高層，係近年財金界迅速上位嘅才俊。

林夏薇前晚秘嫁金融才俊Jason，非常低調，佢嘅經理人Candy喺微博post咗兩張林夏薇嘅婚照，兩張相都唔見新郎真面目。其中一張相係林夏薇為老公戴婚戒，睇真啲，佢手上嘅巨鑽又大又閃。

文章來源: https://www.twgreatdaily.com/cat76/node477320

轉載請註明來源：今天頭條