是咁的， 女朋友份人真係無問題， 也會做家務煮得1手好菜， 對家人也好。

不過對人極無安全感， 我只要有朋友叫出去食飯都會黑面， 呢2年黎我基本上只係試過幾次10點後返(該約5次) , 1知道飯局有異性就會發皮4.

我已經唔係1822, 也不是靚仔， 又無model 身型，又無浪過油既口才， 最最重要我係窮鬼(ok 以前搵過下， 不過做死aa 花無百日紅， 我也算知命， 繼續努力工作不幻想。).

只要我和任何異性有任何交流， 1個問盤的客人， 1個朋友打黎問地產問題。 其實我已經無咩朋友會call我因為大家都已經疏遠我了。

今日要和幾個朋友出海傾幾句聚下， 昨晚我比人趕出去， 話我比唔到安全感佢。。。。 大佬呢個地球已知只有3種性別， 雄性，雌性， 和無性(單細胞生物無性繁殖).

人類唔係男就女， 和朋友傾幾句就比唔到安全感佢。 船上個個都識， 1係就別人的老婆女友， 邊得閒同我玩曖昧。

其實今次已經唔係第一次咁樣，但就黎結婚我真係要為自己企硬d, 之前有次我同1個男性朋友話去游水都被禁足。。。

大佬我由細到大最鐘意就係游水， 水都唔比游真係太過份！ ok我愛佢， 算。 不過就算我放假做宅男係屋企砌高達都唔可以令佢有信心， 因為有手機！

又話我唔上進因為我無為將來打算， 我同佢傾要去讀書時佢鬧我點解唔用d結婚先。 大佬咁我有咩係啱你心意？

轉載請註明來源：今天頭條