大約半年前同咗我女朋友一齊，
但喺呢幾月內俾我發現
包括同我一齊初期嘅日子內，
有一次我跟到佢去一間時鐘酒店，
結果我打俾佢，佢亦都出返嚟跟我走，
但佢解釋只係約人傾計...我真覺得好荒謬！
又有一次我見到佢電話啲訊息
係約過啲男人去時鐘酒店，
內容亦都好清晰講曬啲交易條件，
但我問佢佢居然話絕對唔係我諗嗰啲嘢！
佢只係去酒店同人哋傾計同按摩但有錢收，
完全冇任何性行為！
再次同我講愛佢就應該要信佢...
亦因爲呢啲原因我哋鬧分手好幾次，
但每一次我都返去佢身邊...
我承認真係好愛佢，但心裏總有條刺！
其實我已經同佢講過
只要佢肯承應同以後都唔會再做
我可以原諒佢甚至將來同佢結婚，
因為我要一段坦誠嘅愛情，
每個人都有過去，所以我唔會介意，
我只係要知個事實。
但到宜家呢一刻佢都冇承認過，
只係話如果我真係愛佢就應該相信佢...
近呢個幾兩個月我知道佢暫時真係冇再做呢啲事，
對我亦都好咗好多。
但我真係好迷茫...
如果我哋真係結埋婚之後
我都係咪要繼續扮冇事？扮信佢？
只要佢能夠坦白，我知道自己一定會原諒佢，
但佢冇...佢依然堅持自己冇做過！
所以到目前為止我內心都依然好掙紮好痛...
轉載請註明來源：今天頭條