話說近日係公司識咗個客，幾好傾幾有見識，同佢見過幾次面，

無主動了佢傾計，但有幾次佢上嚟我公司都會了下我傾計，

見佢見識唔少有次我就主動whatsapp佢問佢一啲我解決唔到嘅問題⋯⋯

咁佢又比到好有建設性嘅解決辦法我

之後佢有主打電話比我，問我一啲問。

電話閒談中佢問我年紀？有冇男友？工作經歷？居住地點等等⋯

其實我覺得係怪怪嘅⋯⋯因為只係見過幾次面就傾呢類問題，之後我都會不斷whatsapp留言比佢傾心事，

我病時佢都會主動送藥比我，但我無要呀，我開始有咩事都同佢傾因為佢比到正面能量我⋯

言談間佢知我唔開心，佢話帶我去郊外散散心⋯其實我係咪發緊姣？

唔知點解好鐘意咩都同佢講，包括家事

客人問我係咪同男友嘈交，當時我答同朋友意見不合啫⋯⋯

無正面回答亦無否認，因為之後佢再問我打算幾時結婚？我答合適時就會結⋯

我想keep嘅係好友關係，因為呢類事業形男士唔係我杯茶，我的確有事無事都了下佢傾計，唔係因為我無朋友，係因為新嘅工作環境難識朋友，而我亦同身邊朋友分享過呢件事，朋友們意見係，我一直比人套料，再加上佢話帶我出郊外散心，地點未知人物又未知擔心我有危險，其實我唔開心時周圍搵人傾計，就係想尋求意見或者搵解決方法，但估唔到傾傾下佢又成為我另一問題⋯⋯因為覺得傾傾下感覺怪怪，可能係我多心？因為同其他朋友傾計時都唔會問到咁私人同咁仔細

轉載請註明來源：今天頭條