成功不一定靠父幹！22歲女大學生IG賣糯米糍 2年賺$50萬開店做老闆 飲食 八月 8, 2015 , by 大支野 18087

香港人對甜品的瘋狂程度無容置疑，每次出甜品（唔理咩味）都好多like，賣相最緊要，最好會出煙、識噴火，總之愈誇愈好！

在「靠樣搵食」這個世代之中，偏偏這間麥提莎糯米糍網店能站得住腳，而且愈做愈大，最近更於觀塘開設樓上店，不得不寫個服字！最最最最最重要的是，店主不是已經賺夠錢開店只想打發時間的太太，更不是二世祖，她只是一個連大學都未畢業的22歲小女生。

店主「琛琛」，個look跟名字一樣，是個可愛的陽光女孩，一見面就超熱情say hi，還未食lunch，帶點睡意的小編有點措手不及…「喂，hi，原來你就係琛琛！」配合一下，熱情少少先。

由網店開始賣麥提莎糯米糍，雖然不是打著「全港首間」這個威威的稱號，但大概也是最受歡迎的糯米糍店之一！看看Instagram的follower人數，「38.1k」，比港生活IG還要多…

（小編食過，真係幾好食！）

做了兩年多，由一個月先有一張單，到現在日日出貨，有市集接洽合作，最高紀錄一日賣12,000粒麥提莎糯米糍，注意，甜品全人手製作，叫小編一日畫12,000個圓圈我都想死！

（全副裝備，好專業！）

讀多啲書先會發達，呢個道理你點睇？

琛：「我唔覺得背哂marketing堂教嘅PowerPoint就識做生意，開咗店，邊學邊做就識架啦！」

琛琛自認讀書不算標青，更不是修BBA科目，無論是找供應商、入貨，還是尋找合適的鋪位，都是一步一步，邊學邊做。

琛：「我有讀過嚇econ嘅，淨係記得demand同supply囉，唔識架，demand多啲我咪要supply多啲囉，哈哈。」

（全家總動員幫手！琛爸跟小編講了幾次「仲有細佬」，如有細佬相片請提供，我key番上去。）

讀者最關心嘅問題，錢，究竟你之前開網店賺到幾多錢？

琛：「確實真係唔記得，總之我擺哂網店賺番嚟嘅錢落呢間鋪度，淨係裝修都用咗20幾萬，仲有牌費、器材等等。最初學整野食，自己出錢買焗爐，嗰時買焗爐要400幾蚊，用咗好多零用好肉赤架！」

咁計法，你開舖都使咗有50萬喎？

琛：「我開間鋪都接近用咗50萬數，咁我之前應該都賺咗50萬。」

這刻，小編的表情應該跟梵谷那幅《吶喊》一樣，誰說大學生個個都是「廢青」！（咦唔係，吶喊好似唔係梵谷畫嘅，我係廢青…）什麼？賣麥提莎糯米糍賺到幾十萬，為什麼我最初不好好的跟家人學廚呢…

（琛琛的熟客之人，不怕上鏡的小情侶，話唔使打格仔喎）

香港人購物宗旨，顧客永遠是對的，有無遇過啲好黑人憎嘅客人？

琛：「好好彩，我啲客人大部分都好好，拎貨怕我攰會買野飲俾我，連去旅行都會買手信，我覺得同佢地嘅關係似好朋友多啲。」

（琛琛甜品店中唯一的布置（我認為），就是大門前的一塊告示板，上面貼住客人寫給她加油信和畫，超有愛！）

應該全部都係香港客啦可？

琛：「唔係呀，澳門、台灣都有，太難忘啦所以做埋朋友keep住聯絡，佢叫我送糯米糍去佢地度，點送喎哈哈。」

純粹問問，誰知糯米糍真的已經衝出香港，嚇我一跳！可以交朋結友，我相信對琛琛來說，比賺多少錢都較為重要。

（琛琛的客人知道她喜歡小雲，特意造了一個公仔給她，so sweet

轉載請註明來源：今天頭條