我地係公司兩條team既同事。

佢係公司入面既女神，

個個男同事都想識佢同佢傾計，

但有次因為一單野，

我同佢一齊合作先真係有交流，

之後都好快熟咗。

傾開先知，原來佢有同居男友，

但平時好低調，

所以公司基本上冇人知。

本來我諗住冇咩機會，

點知佢都冇咩點避嫌，

對我好熱情，

甚至主動約我食飯去玩，

我當然好開心。

有次佢搵我唱K飲酒，

大家飲左好多，之後去左爆房。

事後我有問佢我哋算咩關係，

佢以其他話題HEA過。

自從果次之後，

我地平時返工只係好似好熟既同事咁

佢話佢係鍾意，

但只停留係咁既關係，

我始終好唔開心。。

***************************

男人又好,女人又好

如果係真心,佢一定會確立雙方既名份關係

特別係女人呢種生物, 越愛既野佢就一定要有名份

而佢從來都唔想去解釋同你既關係

睇得出佢只係想不負責任地玩

玩到有一日厭左, 就可以輕鬆咁離開既關係

一般女仔如果有穩定既關係,都會表明自己係有男友

(最起碼我之前工作既環保既同事個個都係咁)

從佢平時感情事,有男朋友都收到好埋就睇得出

佢一樣係會好似對而家既男友咁去對待你

你確定佢係喜歡你?

咁既關係, 一開始係會好新鮮

但當有一日, 你比唔到佢想要既刺激佢(eg佢厭左你)

佢一定會毫不留情好似垃圾咁掉開你

然後返返去男朋友身邊繼續扮演佢既好女朋友角色

然後繼續搵下一個激情對象

我好清楚, 因為我身邊都見識過幾位呢類既女人

呢種人, 佢地唔會有最愛既人, 因為佢地最愛既係自己。

轉載請註明來源：今天頭條