職場十九事－無budget

做過好幾年自己生意，聽得最多慨就系呢句：今次無budget 。

當年初初出黎做生意，明白咩叫由低做起。差慨，少錢慨，辛苦慨我都肯做但當你越勤力，你就發覺越唔對路。

因為當你知道自己越肯由低做起，你就越覺得只會做啲低價野。

有時我地呢藝術行業就系咁搞笑。

如果有個人入黎餐廳食飯，佢話唔夠錢叫你平啲，如果唔系佢就唔食，你會開聲小佢全家；但唔知點解我地呢行一聽到人地話唔夠錢搞，比人講兩講，你又會肯幫佢做。

原因就系對方好鍾意同你講：

「我地今次無budget，但我地今次合作完呢次之後我地會有好多Job架。」

「唔好意思，我地今次Budget唔多，但我地之後可以出返你地公司個名當做宣傳。」

「大家第一次合作，我都想比老闆知道你慨野系得，所以今次個製作費就低少少，但之後會多返。」

之後，之後，之後，直到永遠你地之後都系唔會有budget架啦！

當日我內心深處都不斷說服自己：「系架，之後會好啲，之後會多返。」

事實系，佢地之後都系用返上次個價（甚至無價）去同你講：

「上次都得架啵，點會今次唔得呀，你咁醒你一定掂慨。」

系呢到我要講下，各位真系要小心啲成日贊你醒慨人，因為當中只有１％慨人系真心覺得你聰明，而其他個９９％都系想你覺得自己好聰明。

咁之後，咪就系無之後，你又要搵過班有返少少質素慨客囉。

不過你唔好以為咩咩演藝公司，咩咩藝人就好啲，佢地慨質素分分鐘鍾衰過普通人。

正因為佢地以為自己好諗巴閉，過黎搵著數仲覺得自己系益緊你。

經朋友介紹某位２８座大王級數慨藝人，諗住過黎學野，咁我就直接同佢講地點同收費時間。

「咁樣架，我公司其實暫時系未有budget比我去學野慨，所以今次系想你以Sponsor慨形式黎合作，遲啲我會系紅館到開演唱會同拍ＭＶ個陣我會出返你個名。」

聽完，我立即想送佢去「紅館」。

藝術行業就系咁悲傷，貴又做唔住，平又唔做得。

但唔系話無辦法，只要全行慨人都一齊團結去小爆呢種Ｒ爛腳慨人，件事就會有少少光明。

不過團結呢件事仲難搵客，直接去搵客好過。

轉載請註明來源：今天頭條