三胞胎大韓、民國、萬歲下星期就要喺韓國綜藝節目《超人回來了》下車啦，真係聞者傷心，聽者流淚呀！身為忠實粉絲嘅我當然好唔捨得，已經開始要睇相掛住佢哋，睇嚇睇嚇發現佢哋有唔少靚衫都好得意，好嘢梗係要益大家啦，各位媽咪fans可以學嚇嘢，幫你哋小朋友打造成「韓童」，順便憑衫寄意～

撰文：Anki Chan，Sum Shum

圖片：kbs.co.kr

首先，要扮「韓童」當然唔少得韓國傳統服飾，著起真係幾可愛，不妨去G-Market買件玩嚇！

講到跳舞造型，梗係要學舞王Michael Jackson，黑白配搭好簡單就襯到，而且都好得意！

聖誕節著到一身紅扮christmas elf，頂精靈帽簡直係點睛之作，超級卡哇依！

至於日常服飾，喺冬天就算著得臃腫都要不失可愛，對耳仔襯落佢哋度真係巧打意呀！

依家香港又凍又落雨又大風，最啱好似佢哋咁著件防風防水風褸，但都要揀鮮色keep住可愛！

嘩！呢套造型真係型到尖叫！估唔到大媽防曬帽戴係小朋友身上可以咁cyber！

郊遊著白T襯連身褲，加條頸巾仔同草帽仔，好清新呀！而顏色配搭好重要，學嘢啦！

吊帶連身褲可以話係小朋友打造可愛造型嘅必備元素之一，加番頂可愛嘅帽仔簡直無懈可擊！

嚟到夏天，男仔著T-shirt短褲，加頂cap帽，hip hop feel 夠曬型！佢哋頂cap帽咁得意，我都想要呀！

邊個話小朋友一定要著到花碌碌先至可愛，簡單黑白間條，著喺小朋友身上一樣掂！

就連家居服都要夠靚夠可愛，咁先溝到女㗎嘛！......小朋友都係唔好講呢啲......

轉載請註明來源：今天頭條