發生左一件事, 感到好無助, 好晴天霹靂, 我只係一個小市民, 只係想維持一個普通家庭, 家庭就係我既全部, 所以每日我都好努力咁去諗點樣去改善家人既生活, 我有老婆, 仲有一個幾歲既女, 父母退休, 老婆就全職照顧個女, 但尋日開始, 咩都破壞曬......
尋日我返左工, 阿媽出左去買送, 個女返左學, 我老婆係屋企見落雨收衫, 阿爸就坐左係廳, 老婆收完衫之後, 我爸好突然咁同佢講, 可唔可以同佢x, 我老婆好驚咁拒絕左, 之後就拿拿淋出左門口接個女放學, 同話俾我知呢件事, 我一聽到後就問佢, 會唔會係佢聽錯, 佢好肯定話唔係, 佢完成明白佢既意思. 因為佢當時都以為佢聽錯, 所以問多一次佢講乜野.
之後我成個人呆左, 我唔識點去處理, 阿爸係我心目中係好尊嚴既人. 我就叫左佢同阿媽講, 點知我媽話如果再有下次, 先同佢講, 我個心好亂, 尋晚返到屋企, 我唔知點去面對呢個家. 我覺得好辛苦......
返到屋企我詳細再問一次老婆所有經過, 佢收衫時, 老爺已經摸佢條腰, 之後我老婆縮左一縮, 之後收完衫出左廳,佢就問我老婆同唔同佢x, 仲話自己好多四仔碟, 其實睇碟呢d野, 我同我老婆都覺得好閒, 始終男人, 呢樣我2公婆都好理解, 但點講都好, 都唔可以對家人咁架麻......
佢仲同我講, 原來早係好耐之前, 我爸都成日借d意毛手毛腳, 開頭佢以為佢只係老人家企唔穩想搵d野扶下. 早幾日, 又問我老婆有無影裸照既習慣, 我開頭仲以為佢係怕我地影呢d相先咁問, 唉~
我老婆2x, 我個女幾歲, 我爸8x, 我媽6x 我30歲了, 辛苦捱左十幾年, 見有少少成就時, 發生左件咁既事, 我唔識點去處理, 又唔知點去面對, 呢d事我唔敢同朋友講, 家醜黎, 又唔知搵邊個傾, 好辛苦~
唯一幸運既係, 我老婆好體諒我, 叫我唔好諗咁多, 佢話佢知道後都好驚, 不過話佢八十幾歲人, 應該做唔出d咩, 叫我唔洗急住去處理.
我媽話, 都唔知佢係咪日日睇埋報紙d亂倫新聞多, 走火入魔. 我媽既解決方法只有話如果阿爸再有下次佢咁講, 就答返佢再咁樣就同個仔同老婆講. 其實我媽都係傳統人黎, 我都明白佢家醜不出外傳既心態, 但作為老公見到老婆咁樣, 就覺得自己無用. 好似咩都做唔到咁.
我老婆係正常女性一個, 無話著得衫少通屋走, 今日又係呢個時間, 當屋企得返佢2個時, 今次仲衰到係廳放四仔碟問佢做唔做, 我老婆後尾打俾我知件事後就出左街, 其實出街係無野做, 但咁既情況只有出去, 等接完個女後等媽買完送先返去, 我已經下定決心今晚同我媽一齊同佢搞清楚件事, 睇下佢點反應. 我老婆出去前同佢講左, 問佢一家人為呢d事搞到大家都唔開心值唔值得.
——幾日後——
經過左幾日既溝通同了解, 我爸堅持自己無病, 同佢講陪佢去睇醫生佢唔想, 平時佢一有小小事都會去睇, 今次好反常, 而且好多行為都好反常, 基本上我同屋企人都差唔多肯定佢係有事先會咁, 因為太多失常行為, 我地身為佢屋企人, 知佢習慣.
我老婆住左係我屋企都好多年, 由做我女朋友時已經開始係我屋企住, 往時一直相安無事, 岩岩黎我屋企時我阿爸唔鍾意佢既添, 後尾近幾年生左個女後, 關係改善左好多, 平時佢同我媽都好錫佢, 一直相處融洽.
我相信今次事件多是病引起, 我同我媽已經同佢講過, 身為佢個仔同一個跟左佢幾十年既妻子, 對佢我地十分尊敬, 咁多年黎一手照顧起成頭家帶大我地, 今次件事令到佢個仔同妻子都好失望, 但正正因為咁多年黎都無行差踏差, 我地都好相信今次係由病引起, 所以黎緊呢次覆疹會同醫生講埋, 本身佢有好多老人病, 加上佢又唔肯去睇醫生, 只有咁做.
至於老婆方面, 我叫佢返外家住先, 不過佢後來話既然知係病, 佢都無咁擔心, 依家廿四小時佢同個女同我媽都會一齊, 因為我媽已經退左休, 佢地可以3個成日一齊, 加上自從我地同佢講完後, 佢好似正常返好多咁, 所以依家暫時都係同以前一樣, 靜觀其變等阿爸覆疹再同醫生講. 件事暫時告一段落.
p.s. 我老婆講話唔怕, 因為我爸已經企都要人扶果隻, 所以佢唔太驚. 已經吩咐佢有咩就帶埋個女走左先.
有經驗網友出招：
你啊爸呢d情形 , 要小心處理 , 唔好淨係諗住佢咸濕 , 避開佢就算 , 因佢年紀都有咁上下 , 可能係老人病影響 (詳細我唔識點講 , 只知有好多老人家 , 年紀大身體內分泌失衡 , 就會咁 , 我有個親戚 ,佢識得個敎友又係咁 , 個人好好 , 同一個敎會的 , 80幾歲 , 又係有呢d情形 , 可以話老到懵懵地 , 唔知自己做左乜. 你試下去睇老人科 , 問下醫生意見 )
（圖片來源網絡，與本文無關）
via：http://www.discuss.com.hk/viewthread.php?tid=12246034&extra=page%3D344
文章來源: https://www.twgreatdaily.com/cat62/node602432
轉載請註明來源：今天頭條