我們的一代爸爸媽媽大多忙於工作，不少小朋友都是自小由長輩，例如公公或婆婆帶大。他們在小朋友的生命中佔一特別席位，寵愛我們的程度可能超過爸爸媽媽。以下是一段孫女與公公在輕鐵車廂的對話，細緻描述了隔代之間溫暖的愛，亦提醒我們要珍惜眼前人。
======================
噚日搭輕鐵，經過青松站。
「公公，做咩咁多人嘅？」
「啲人去拜山囉。」
「拜山？」
「係呀，好似我哋上次去拜姨婆咁囉。」
「姨婆係咪死咗架啦？」
「係呀。」
「係咪唔會再返屋企架啦？」
「係呀。」
「咁你呢？」
「我好老架啦，我都就嚟死架啦！」
「咁邊個湊我返學呀？」
「無人湊你架啦，你自己返學架啦！」
跟住兩公孫靜靜對望咗 15 秒。
細路女突然爆喊 :「公公，你唔好死呀，你唔好死呀，嗚嗚～」
細路女喊聲傳遍成個車廂，由青松站一路喊到兆康站，直至公公話 : 「好啦好啦，我唔死啦。」，細路女先肯收聲。
傻妹，你公公點捨得死呀，佢仲要響以後，當你數學考試唔合格、升唔到第一志願嘅中學、俾朋友杯葛、俾人飛、俾老闆炒、同老公嘈交……嘅時候，好似依家咁幫你抹眼淚的。
======================
轉載請註明來源：今天頭條