最近午餐肉好「紅」。今日就嚟個健康版。

首先要有一千克半肥瘦豬腿肉。剁成肉醬，機攪唔會好食㗎！肉剁得越爛，午餐肉就越軟滑。喜歡的話，可以落少少金華火腿調嚇味。自家製，咪話金華火腿，用黑毛豬火腿都得！

將四湯匙粟粉、四湯匙麵粉、一隻雞蛋、少少油攪勻，加水攪成稀糊。再加入肉醬攪勻。然後加糖、鹽、生抽各一個半湯匙。順一個方向攪到起膠。

糕盤掃油，放入豬肉醬，拍實、壓平。輕輕舖上保鮮紙，以防倒汗水；隔水蒸四十分鐘。

攤凍後，切片、煎香。

記住要攤凍先好切片，唔係啲肉汁就會流哂出嚟㗎！

轉載請註明來源：今天頭條