講起炸雞髀，好多人都 Like 大埔「三多」，店家早前更跨區到元朗開分店。新店專做外賣，另有位置給大家立食。

雞髀 Size 差唔多手掌咁大，有柯打才即時串竹籤、蘸麵包糠生炸，新鮮熱辣。

店子裝修時麾，令人耳目一新，不變的是該店名物，炸髀 （$28/隻） Size 差不多手掌咁大，即叫即炸，肉汁豐盈，閒閒哋日賣幾百隻，唔係講笑。

每個炸髀王都有自己獨門秘方，三多老闆用日本麵包糠蘸滿雞髀再生炸，似日式吉列豬扒般香脆，一咬下，薄薄的脆皮發出「咔嚓」聲響，好吸引，更有竹籤串住，方便捧著雞髀來食。

這店堪稱「一門雙髀」，炸髀外，滷水雞髀（$28/隻）同樣受歡迎，後者肉質更嫩，滷水味香濃，鹹淡適中帶微甜。試過椒鹽雞軟骨亦唔錯，雞軟骨先炸後炒，加埋洋蔥粒，超惹味。

椒鹽雞軟骨 $65 堆滿一整盒的雞軟骨，先炸香再跟洋蔥粒爆炒，粒粒香口惹味，轉眼就掃清。

三多炸肶

地址：元朗又新街 40-48 號榮豐大廈地下 E 號舖

電話：從缺

營業時間：星期一至四 3pm-1am，星期五 3pm-2am，星期六、日及公眾假期 2am-2am

轉載請註明來源：今天頭條