編輯：小平頭

攝影：John彈王

「 上 個星期小編好唔容易請到兩日假期，去澳門~講起去澳門，小編我從來都唔中意去shopping同睇旅遊景點~唔好覺得我奇葩，作為一個資深嘅吃貨，出去玩 都系去食比較啱我，從朝食到晚我就最中意喇~今次為咗幫老豆媽子plan一個吃貨級別嘅春節澳門兩日游，小編我真系絞盡腦汁，順便同大家分享一下~ Day1:吃吃吃~ 第一站：澳門JW萬豪酒店中餐廳，午餐 來之前我就已經訂好房了，所以唔洗急住check in，先去食D嘢補充下體力~

嚟之前小編就已經對萬豪中餐廳充滿咗期待，所以呢次就索性定埋呢間酒店嘅房，跟住試下呢度嘅粵菜~perfect！！！

呢間亞洲最大嘅JW萬豪酒店，環境簡約時尚，奢華大氣的環境，服務非常周到~小編決定今次要當一回土豪！！！

先嚟個頭盤，16小碟唔同嘅涼菜集合，就頭盤都咁高卡士，果然系揀啱咗地方！

脆皮叉燒 上等黑豚肉，爽嫩無比，類似「焦糖燉奶」咁嘅做法，最後一個步驟系將黃糖淋喺叉燒表面，然後用火槍燒~

外表口感焦脆，味道清甜，叉燒多汁入味，好特別！！

多旺喜團圓 過年嚟吃呢個就最啱喇，夠曬好意頭~

金雞報喜 其實我最朝思夢想嘅系呢只柚子燒雞！！柚子同雞都系我嘅最愛！！兩個加埋一起食究竟系個乜體驗！？

雞皮同肉之間夾住新鮮嘅柚子肉，雞肉皮脆肉嫩，酸酸甜甜嘅柚子肉令雞肉嘅口感更加清新，一D都唔油膩，越食越開胃~

鮑魚鮮蝦燒買 第一次食有隻咁大隻鮑魚嘅燒買，夠豪氣！

帶子鮮蝦燒買 大大隻嘅帶子，啖啖鮮甜啖啖肉！！

脆心腸粉

嫩滑嘅腸粉皮裹住炸得香脆嘅蝦膠，口感層次豐富。

腿絨銀絲天鵝酥

蘿蔔絲加火腿茸包餡，入口十分酥脆。

糯米雞 萬豪中餐廳嘅糯米雞做法十分傳統，宜家我地喺出邊食嘅糯米雞餡料各種各樣~

其實最傳統嘅糯米雞裡面就凈系得冬菇同雞咋~

花旗參烏雞 廣州人食飯就一定要有靚湯喇~清香嘅花旗燉參烏雞湯養顏滋補~呢例湯每天大概只售30位。

「風生水起」 過年嚟食飯一定要點呢個「風生水起」~新一年大家都撈得風生水起嘛~為咗呢個意頭，酒店都夠曬周到咯~撈之前會有服務員幫你撒芝麻同花生喺面頭。

撒完之後都未食得住，最後一個「撈」嘅步驟當然系要你自己親自郁手喇~咁先有意頭嘎~

兩雙筷子一齊撈，如果想熱鬧D一家人一齊撈都得~ 撈完就可以食喇~有小編我最中意嘅三文魚~

第二站：澳門萬豪酒店，check in

萬豪酒店擁有1,015間高貴客房及套房，風格同酒店一樣都系簡潔得嚟有D奢華感~

拉開窗簾，澳門路氹城迷人嘅精緻盡收眼中，就咁企系度乜都唔做，睇下呢個風景亦系一種享受~

除咗室外嘅美景令人興奮，室內嘅布置亦俾人一種好舒適嘅感覺~

浴室乾淨，簡潔大方，設計都系以方便舒適為主~

萬豪有幾貼心？連咖啡機都有埋俾你 配備齊全，你可以根據自己嘅口味嚟沖翻杯咖啡~

第三站：麗思卡爾頓51樓咖啡廳，下午茶

呢個下午茶小資得嚟夠浪漫， 大家有無覺得有種英劇裡面high tea嘅感覺~成個套餐都系澳門幣488咋，仲送兩杯飲品！！~

各式各樣精緻嘅蛋糕，系女生嘅致愛，致命嘅誘惑~

每一件都好獨一無二，細細件咁~唔驚肥喔~（安慰下自己）

情人節帶女朋友嚟就最啱喇，呢個情侶下午茶套餐都系688澳門幣咋~ 第四站：名廚都匯，晚餐 喺銀河周圍行下街影下相，話咁快又到晚餐時間喇~吃貨嘅世界就系三餐都要豐富，晚餐食少D我都對唔住自己喇~

名廚都匯嘅自助餐我已經等咗好耐喇，預約咗個幾星期，就系等今晚喇！！

從這裡拾級而上，金黃色嘅樓梯級，豪華嘅水晶吊燈~從呢度行上去，會有一種「貴族」嘅感覺~

名廚都匯裡面嘅環境俾人一種優雅舒適嘅感覺，一入嚟，感覺整個生活嘅節奏都慢下來，單純咁感受下眾多美食帶嚟嘅愉悅感~

好多人嚟名廚都匯都係為呢舊美國頂級肉眼扒！！就上邊呢舊價格已經過萬喇~出邊食一件都要300+，系哩度食翻兩件都夠曬皮咯~

自助餐嘅三文魚成條上~咁先夠霸氣！！

呢度嘅海鮮都會有好多選擇~蟹鉗都系我嘅最愛嚟嘎~

法國生蚝，鮮甜肥美，吃到你滿意為止~

波士頓龍蝦，長腳蟹，老虎蟹、麵包蟹，呢D都好正~但系我最迷戀嘅系呢個「鮑魚海參泡飯」~

只要我一睇翻呢張相，就已經可以回憶翻當日食呢個泡飯嘅時候果種興奮嘅心情

文章來源: https://www.twgreatdaily.com/cat59/node883143

轉載請註明來源：今天頭條