不經不覺，我和老婆拍拖加結婚8年了，2011年結婚
呢8年，我無俾到老婆幸福，同快樂
佢係我去到26歲正式拍拖第一個女人
之前只拍過2次，
其中一次，對方暗裡認識第二個
因為咁我變得無自信去信任
小時候家庭比較好，亦都養成少爺脾氣
好小事都表現得過火，經常黑面
工作上，其實已經有門手藝，
可以好快上手，有穩定收入，
但自己怕，怕失敗，會失業無錢養家
從而去做收入不好既工，以至一直捱苦
無好既生活俾到佢
而主要以上3點，加其他好多小事
呢8年，我同老婆吵架，佢鬧著要分開
不下10次8次
而我每次都認錯得到原諒
最近佢搵到做速遞倉既工作，
連續兩日，先去同同事飲野，
之後第二日我放假，佢都無話返黎見個面
而係同同事食到點幾
我又衰多口話佢唔陪我，觸發今次
佢話要搬走了

呢次同以前唔同，我食唔到，訓唔好
成個人發軟，我終於意識好嚴重，
佢同我講野，我無理，無關心佢
8年，無俾佢過好生活，搞到佢要辛苦做速遞倉
只係理自己感覺，無令佢開心
問佢風扇點解開著，佢就去關，
我原本只係諗，係咪開咗冷氣都熱
定忘記關，如果忘記，我會關
點知佢以為我話佢，個下個心好痛
早年佢仲未可以在港工作，
我每星期加4晚班，因為太累
久而久之有時間就休息，佢應該都知我累
所以變得少交談，但係就咁養成咗習慣
我好後悔無事既時候，好好同佢傾計
佢好鍾意旅行，我就以要上班養家為理由無去
我好後悔無好好珍惜可以同你去旅行既機會
如果一個人出面有第二個，做咩都無用，
但我就衰，強迫要老婆講無事，為求自己安心
日子過多了，好多以為平常，原來係大爆發
我好痛，好想有改過，俾幸福快樂日子佢既機會，
但佢已經搵緊屋，
老婆，我真係想到你7老8十，都拖住你手
同你講，咁多年，我依然愛你

____________________________________________________________________________________________________________________________________________________________________________________________________________________________________

轉載請註明來源：今天頭條