(獨家) 行家踢爆「街頭魔法王」 Louis 甄澤權 偷橋 用錢買獎項
近日因為杯麵魔術「被穿崩」，令大台節目《至尊街頭魔法王》魔術師主角 Louis甄澤權成為眾矢之的，是受害者角色的他，不單未見有同行力撐，澳門魔術師劉寶明更怒轟 Louis的杯麵魔術，涉嫌抄襲他與台灣魔術師劉謙的創作。
睇唔過眼，還有曾與 Louis合作過《街頭魔法王》系列、不願公開身份的香港魔術師 X先生，指他因為有監製黃中濠寵倖，不單成功踢走其他魔術師，黃監製更將其他魔術師上呈的魔術內容，私下過料俾 Louis。
一○年正式出道，原本圓面矇豬眼的 Louis，五官做過手腳，就連他口中在美國攞到的國際魔術獎項，也是誇大其詞。「其實只係一間魔術用品公司每年響小鎮搞嘅魔術比賽，細路仔同老人家都可以參加，唔係咩國際獎項，佢攞呢啲嘢返香港呃觀眾。」 X先生說。
大台頭兩輯《街頭魔法王》，集合香港多位魔術師一同參與演出，其中有份出鏡的魔術師 X先生，指監製黃中濠錫 Louis錫到出面，「監製同我哋開會，話會平均分配大家出鏡時間，但最後係 Louis出鏡最多。」
唔單只「出鏡有優惠」， Louis更獨享無限 NG特權。「因為係街頭魔法，監製要求我哋一 take過，萬一唔小心 NG就會俾主持同導演用粗口鬧，但 Louis如果有鏡頭拍得唔好，就會幫佢補拍，公司甚至幫佢響臨記公司搵『媒』做觀眾，但其他人就只能夠搵真觀眾，如果可以用『媒』，個個都可以做得好犀利啦，點解淨係佢？」 X先生說。
明知大細超，但當時一眾魔術師卻敢怒不敢言。「講出嚟，可能連嗰集、嗰一 part（演出）都會冇，既然佢同監製 friend，我哋講咩都冇用。」
2010年， Louis聲稱自己在美國贏得國際魔術比賽冠軍，實質該比賽主要俾小朋友參加， 2009年的得主，正是兩位小學生。
有行家指 Louis表演街頭魔法，可無限 NG，仲有臨記做「媒」。早年有途人拍下 Louis不斷 NG的街頭魔法，他更拉著扮途人的臨記（紅白間衫），教她做動作。
有指 Louis同《魔法王》監製黃中濠（箭嘴）關係非比尋常。
偷橋扮原創
在 X先生心中，最難受是監製將其他魔術師的魔術橋，私底下過料俾 Louis。「我哋每個魔術師，要私下交魔術橋俾監製，監製話到明，如果萬一大家撞橋會另行通知，當我哋諗到啲好爆好勁嘅橋出嚟，監製就話已經有人諗到，我哋唔做得，但轉個頭，就會見到 Louis改咗少少內容，響節目入面表演，當係自己原創。」
心血被抄， X先生指 Louis更大膽到抄埋外國魔術。「如果佢啲魔術有外國魔術師睇到，我相信佢會幾煩， idea唔係佢原創，只係將內容放入佢環境入面做，（走灰色地帶？）係呀！」
有人撐， Louis亦愈來愈「囂」。
「之前佢喺九展有個個人魔術表演，佢之前個期係關心妍演唱會，佢喺人哋做尾場當日問人借兩、三個鐘踩台彩排，因為有件大型魔術道具俾演唱會嘅布景阻住， Louis居然同搭台嗰個人講：『幾多錢？拆，我俾，使幾錢啫！』呢啲係咩態度？人哋梗係唔拆啦！」 X先生說。
在 Abbott's的網頁顯示， Louis 2010年獲得的獎項是「 1st Place Talent Award Winner」，中文解做才藝表演。
Abbott's定期會舉辦不同類型的魔法訓練班，學員以小朋友為主。
作大魔術獎
X先生指，魔術業界同行會定期舉行交流會，分享魔術心得，但 Louis永遠 no show。「佢覺得自己好犀利，唔需要同我哋交流，覺得我做到你做唔到，我上到電視你上唔到。佢幾自私。」
自以為高人一等，與 Louis獲得多個國際大獎是否有關， X先生不禁冷笑。「一般觀眾係唔會知，佢攞嘅唔係咩國際獎，係一間外國魔術店，響個小鎮舉辦嘅魔術比賽，○五年，劉謙應邀去表演，攞到票選最佳演出嘉賓，人哋係以嘉賓身份過去， Louis係以參賽者身份去比賽，兩個 level根本唔同，冇得比。」
本刊翻查 Abbott's網頁，雖然已連續七十八年舉行有關魔術比賽，但規模並非國際級，當中以小朋友參賽者較多，○九年（早 Louis一屆）的冠軍得主，都是小朋友。
「佢話大衞高柏飛都有參加過，但人哋係小朋友嗰陣去參加，最嬲係佢攞呢啲嘢返嚟呃香港觀眾，你唔講明係小鎮比賽，反而煲到係國際性好勁嘅比賽，同一班小朋友比賽，你點會唔贏？我覺得佢隱瞞同扭曲咗好多嘢囉！」魔術師 X先生氣憤地說。
Abbott's有提到大衞高柏飛有參加過他們舉辦的比賽，當時年紀尚小的他，未有獲任何獎項。
另一個令 Louis引以為傲的匈牙利 Joker Magic比賽，舉辦單位同樣是魔術道具製造商，屬小型比賽，站在他身旁的手下敗將，估計 20歲都冇。
魔法樣
2010年開始公開表演魔術，被譽為「港版大衞高柏飛」、現年 33歲的 Louis Yan甄澤權，於浸會大學市場推廣及傳訊學系畢業後，再到澳洲修讀市場學。大學時期開始玩魔術的他，自稱在多個國際性魔術比賽中獲獎。
出道時面圓、豬膽鼻、矇豬單眼皮、前額及兩側髮線稀疏的 Louis，為了令外表更討好，積極減肥外， 12年更出現五官大改變，變得鼻高、頭髮濃密。
今年， Louis更進化到 4.0版本，鼻樑又高又闊，塊面尖曬，同五年前，判若兩人。
眼矇無神
禿髮王
2015年進化版
30蚊學 Louis style
天下好橋多人抄，但魔術界有自訂行規，要公開表演其他魔術師的原創魔術，必須要得到原創者同意，並要清楚列明表演性質，更要向原創者付版權及表演費用。
而 Louis在《至尊街頭魔法王》節目中，曾經表演過將一粒朱古力，在一秒間放進香口膠的包裝內。其實這套魔術有教學影碟教你點變，網購價只需 29.95美元， Louis則利用「灰色地帶」，將當中的魔術輕微改動，當自己獨創的 Louis style。
原裝版：香口膠變銀紙
文章來源: https://www.twgreatdaily.com/cat54/node783570
轉載請註明來源：今天頭條