布道會歷時兩小時，單單是關心妍講見證的環節已有 45分鐘，其間她不時眉頭緊皺，情緒非常投入。

(爆娛圈黑幕) 關心妍：「娛樂圈好變態，成日聽到有女藝人同有錢佬玩花式，有時要出賣自己身體同人訓」

關心妍早前於港台頒獎禮慘食白果，事後她於微博暗示要退出樂壇：「再努力最終都失望！只希望今後好好過我楊太的生活。」

其實關心妍 09年嫁人後，原本疊埋心水造人，由於當時唱片公司和歌迷多番游說她繼續唱，令她改變初衷，但無奈努力與收穫不成正比。

據知對樂壇心灰意冷的關心妍，近日部署轉行做傳道人。周日，她到上水出席布道會時，吐出多年來的不快經歷。她眼紅紅說：「啲人想整死我。」

入行 11年，經歷過不少風浪的關心妍，於今年 舉行的港台頒獎禮空手而回，令她對樂壇意興闌珊。周日，她到上水北區大會堂出席布道會時，忍唔住炮轟：「娛樂圈好變態，成日聽到有女藝人同有錢佬玩花式，有時要出賣自己身體同人訓，好容易為錢迷失自己。」

坐滿 200人

關心妍為教會義務出席的見證布道會，於北區大會堂舉行。雖然規模極小，場地只能容納 200人，但大會依然印有場刊。

講到眼紅

提到自己於娛樂圈種種不公平待遇時，她頓時雙眼通紅，情緒激動。

她自爆入行前已受某唱片公司高層挖苦，她說：「由細到大冇乜嘢叻，叫做得把聲。於是我好似人地搵工咁，整咗 30份履歷，寄去好多唱片公司，泰國、菲律賓都有，總之有人肯覆我都制。終於有一間覆咗，係國際公司，旗下有張惠妹嘅。嘩！我好開心咁走去見，點知嗰個人同我講：『你唱就唱得幾好嘅！但你咁矮，好彩你果度幾大，你返我屋企啦！』」輾轉之下，她 99年簽約 BMA，足足等了三年才有碟出， 04年更於紅館開個唱。

奈何當時她慘遭同公司的周麗淇打壓，搞到冇得翻身。此時她開始兩眼通紅，哽咽地說：「隻腳未企得穩，啲人就要做瓜我整死我，好似一夜破產！啲人喺街上見到我，好似當我生蝨咁！之後就返咗大陸唱酒吧騷，一邊唱歌，台下一邊十五、二十，好難受。仲會問我幾錢一晚，原來撻落嚟真係好痛。」她坦言 05年至 08年是她人生的低潮期，當時她走去做義工，經常提醒自己自強，「好好彩，我係一個死唔去嘅歌手。我今年話唔再參加頒獎禮，因為覺得比賽好冇意義，浪費咗好多光陰。」

曾+為+情+自+殺

近年頻做義工的關心妍，布道會上自爆捐錢俾一名兒童做手術。去年她榮獲了香港十大傑青。

關心妍除了道盡歌手背後辛酸外，更自爆年輕時曾誤入歧途，她說：「我 10歲移民咗去加拿大，冇人冇物，唔知生存喺呢個世界上做乜。讀中學嗰陣識到一班壞同學，教我食煙飲酒又逃學。當時我覺得呢班朋友就係人生寄託。」她更曾為初戀情人而自殺，她激動地說：「嗰時我嘅身形係依家 1.5倍，竟然識到一個少少似古天樂嘅男仔，心諗個天乜咁益我呀！我哋一齊考上大學，但有一日佢突然同我講話放眼世界，要飛咗我。嘩！我人生冇曬方向，攞咗一樽安眠藥，好似電視橋段咁成樽啪落去，死咗去算。但嗰一刻我阿哥拍我房門阻止咗我，呢個應該係神蹟。」

成為基督徒已有 13年的關心妍，近年於樂壇屢遭挫折，加上丈夫楊長智屬金融界才俊，佢即使冇野撈，生活也不愁。據知她計劃轉行傳道，於不同規模的教會講見證，將唱歌變成副業。

周一（ 4日），記者就布道會上的說話問過關心妍，她緊張地說：「咁娛樂圈真係比社會其他行業複雜，但具體真係唔想講。（係咪諗住全職傳道？）我未有資格，做傳道人要讀咗神學學位課程先，不過我有興趣讀。（唔再唱歌？）歌我會繼續唱，但依家我唔再參加頒獎禮。」

轉載請註明來源：今天頭條