話說一個一個人中唔中意你就一定有HINTS既!

你想知女神中唔中意你?你有冇機會?

以下呢個高登絲打就話你知點先可以討女神歡心!

千其唔好做以下十樣野,

如果唔係你就同左手拍拖啦!

小妹第3次拍拖，男朋友係第1次拍拖

本來以為男仔第一次拍拖應該冇咩野，

幾純情，但原來係咩都唔識之餘仲好自我中心

（可能始終冇前任女友話過佢叫佢磨合）

我同佢一齊係因為佢唔玩唔蒲 唔中意同陌生女仔講野，連女仔朋友都一個都冇，咁我可以唔洗成日擔心佢同人玩曖昧。

另外佢份人好有禮貌又知分寸，做事好成熟理性。

但一齊左之後佢啲缺點先慢慢開始浮面，依家仲係熱戀期但我已經對佢有好多唔滿意

但係講佢啲缺點之前我要先講講其實佢有抑鬱症已經好幾年，已經食左幾年藥依家仲keep住食藥病情好穩定。

（可能有啲sis對抑鬱症唔理解或者有誤解）

簡單啲來說佢唔中意同人交心，成日覺得好緊張，唔識同人溝通相處，由細到大都係得1-2個朋友，但都唔係話好熟好熟果隻，最fd既人就淨係得佢爸爸

佢有呢個病我冇介意，反而我對佢會更加寬鬆，但咁樣我自己仲忍得辛苦

佢既缺點：

1）長期放負能量，我同佢都係做sales

佢成日好要面，如果果日我有單佢冇佢就會唔開心一整晚（但我唔可以講大話話冇單，因為佢會查到）

有時好地地食餐飯佢就係放負黑口黑面，仲要唔係一次兩次，真係咩心情都冇曬

2）每次食飯都係15mins內

好似倒曬啲食物落口咁，仲要一路打機

同佢食飯等於同空氣食

（雖然佢有解釋過話因為以前成日自己一個食飯所以習慣左想快啲食完先食咁快）

有時放工咁攰仲堅持一齊食飯都係因為想見下佢想傾下計，但佢每次都勁快食完就送我去搭車，唔散步唔坐多陣。

又唔係話好攰，佢返到屋企都係2點幾先訓

3）放飛機成習慣當冇回事

話一齊食早餐一陣又話：下我隨口up下炸，約晚飯到鐘又話：我仲做緊gym呀聽日先啦

我又唔想因為呢啲雞毛蒜皮日日發脾氣我覺得咁好無謂，但我覺得佢真係做得唔岩，我又唔知點樣叫佢改過

4）最嚴重！！唔攬唔錫淨係要心靈上交流

我同佢都係virgin ，唔做都冇問題，但問題冇可能男女朋友唔攬唔錫掛！

一開始佢同我一齊就係話當我係樹窿，我係第一個肯聽佢講心事又聽得明既人，又話同我傾計舒服放鬆，所以中意我。

但我點都冇諗過原來有人係可以淨傾計唔攬唔錫都叫拍拖！我認為攬同錫係最基本表達愛意既方法！

佢既解釋：我唔想你覺得因為我唔攬唔錫就係唔中意你，完全唔係咁樣，只係因為我本身唔中意攬錫，我覺得好核突。我唔中意同人咁close，但如果你真係需要，我都可以盡量忍到一陣…盡量滿足你既…

我聽完真係r爆頭，要佢忍受錫我，乜咁辛苦佢啊

一齊仲未夠一個月已經咁唔滿意佢…我真係唔知應唔應該繼續行落去…

但一開始拍拖既時候佢同我講過：我第一次拍拖咩都唔識，我好想你慢慢教我，我一定會有辦法改有辦法解決架。千祈唔好唔講自己嬲之後又離開我啊！

我每次諗返呢番說話都會好內疚，佢第一次拍拖唔係佢錯，有病都唔係佢錯

如果繼續行落去其實有冇可能磨合到呢？

文章來源: https://www.twgreatdaily.com/cat54/node712607

轉載請註明來源：今天頭條