有老公既各位都要小心，只要您另一半有錢佢就會痴埋去，此人搞我姊妹老公，仲要超厚麵皮趕極都唔走扮可憐，我朋友老公係某公司老闆，2年前朋友發現呢個女人同佢老公既曖昧訊息，條女成日話想見佢，又叫我朋友老公租樓俾佢住，想租果啲全部都係$30000樓上豪宅大單位，於是就叫老公炒左佢，之後以為無事，點知事隔一年幾之後，係公司新同事口中，竟然聽到呢個女仔個名，我朋友突然衝上公司，同呢個女嘅撞到正，於是因為呢個女人同老公嘈左好耐，我朋友好傷心想離婚。

 唔知點解老公要為咗呢個咁既女人呃佢，佢老公一直就係話個女人工作成績不錯，讀過大學有學歷幫到手，又冇做錯啲乜，所以先至繼續用佢，絕無其他，仲要話因為知道老婆唔鍾意，所以老婆每次出現佢都趕條女走，原來人哋老婆一走佢又走返上嚟，我朋友whatapp過個女人罵佢，但條女無回，但係就send信息比朋友老公，話你老婆鬧我，不過為左你我咩都唔介意，朋友終於忍唔住要講出黎。

其實我朋友兩夫妻結婚多年感情一直好好，大家30齣頭，男嘅高大靚仔太太亦都靚女愛家，諗極唔明一個咁樣嘅中女點解會埋到老公身邊，仲話自己28-29歲，有無可能呀？報細5年咋？讀咩大學？

起佢底發現佢以前只不過係做過美心同夜場咋，我朋友話老公其實一直好錫自己，完全都唔覺得老公有出軌嘅行為，就係咁更加覺得恐怖，到底呢個女人同老公一齊幾耐？點解自己會咁蠢，我朋友仲試過自殺，而家患上咗抑鬱症，發現此女人多年來一直靠痴多位老闆維生，單單是身邊幾位女性朋友咁啱都話識佢，以說他曾經介入過多個有婦之夫的關係，專門扮好人心，係你另一半唔喺度嘅時候，就走埋嚟關心你，但佢嘅對象全部都是有錢老闆，對其他低級員工就擺起老闆娘款，俾人踢爆之後仲要扮委屈，話就算點我都唔介意…

佢的前男友：Mxs 老闆（警察），xx集團老闆，singaxxxx老闆，DL香港行政總裁，Maxxx國際公司老闆，當中仲有我多年前的一位男朋友，最叻哄人買貴野，租靚樓，為左錢可以同時同多名有錢佬上床，未見過咁醜樣既女人都可以痴到金糠，心計發姣扮好人既世界女果然有辦法，本來當時人諗住趕走佢就算，點知佢死纏爛打要留喺我朋友老公身邊，仲話為左人地老公受苦有咩問題？又扮可憐， 苦你不及我朋友，唯有公開你，等您永遠搵唔到食～～～

轉載請註明來源：今天頭條