早前鬧得熱哄哄嘅PTGF（出租女友）事件，餘波一浪接一浪，繼早前流出PTGF名單及相片，又流出埋幫襯過嘅男士照片，一時之間，人心惶惶。

有女子在網上流傳有關出租女友的帖子，一時間牽起熱話，有人認為「明買明賣」亦無不可，更有自稱是出租女友的網友寫了一篇文章，捍衛自己做出租女友的「權利」。

近日甚至發現唔少人貼出PTGF名碼實價嘅Cap圖，當中包括各種活動嘅收費，有埋工作時間等等。其中例如食飯1至1.5個鐘，收費$450；睇戲每套$500（仲要寫明唔睇鬼片，咁都得？）另外淨行街每個鐘$400，打羽毛球$600，仲有最貴嘅飲酒$700，返大陸玩每日$2,500！

時薪仲比好多公立醫院醫生高！好多人都會覺得點解做PTGF可以咁高調，而且好似唔怕人知？唔通真係「笑貧不笑娼」？錯喇！大家唔明白，呢班PTGF嘅心態，喺佢哋眼中，自己根本唔係「娼」嘛！咁點解今時今日，PTGF唔怕被人稱為「私鐘」、「援交」呢？

可揀客，唔上床

「私鐘」、「援交」呢類都係接客嘅交易，而PTGF聲稱自己係睇Feel再算，而且都寫明唔上床，諗住可以就咁唔當自己係性工作者咩？實際上大把PTGF都係收錢再做，「加錢乜都得」，結果都係一樣，咪試呀！

有電話就開得工

過往嘅私鐘、援交都係透過中間人，俗稱 Agent去搵；但宜家PTGF已經係人人都可以自己直接聯絡溝通，簡直好似開Uber咁，有車就做得生意，PTGF亦係，有部電部就開得工！

另有正職，有男朋友

好多PTGF都係有男朋友，只係瞞住對方出去搵快錢，所以反而大時大節更加唔得閒，因為PTGF都要陪男友嘛。又用番揸Uber做例子，佢哋得閒先接，等錢使就接多啲，以唔影嚮正常生活為目標。

睇見以上原因，大家應該明白點解咁多女仔走去做PTGF。

當社會的意識令人誤以為為了錢可以出賣一切，那麼一切都會變成可以買賣的物品，包括了最寶貴的身體和感情。出租女友並不是今天才有的新鮮事，早在數年前已有機構進行探討，亦有不少報道。說穿了，所謂的出租女友其實就是賣淫的美名，數十年前有魚蛋妹、伴唱、陪酒……後來有援交少女，只是這些名稱都被拆穿了，唯有再度美名成出租女友，今天更把這種行為稱為「助養」。名字愈模糊，愈令人刻意對行為的本質裝傻，更刻意把行為扭曲為互相慰藉，各取所需的「合理工作」，令一眾想搵快錢的年輕人心安理得地擁抱它。

坦白講，其實ptgf同做性工作者無分別，一樣出賣肉體，出賣零魂，講到尾，不用分那麼細，大家都係 。。。。。。

轉載請註明來源：今天頭條