可唔可以講下道理？

-----------------------------------

坦白講，香港人可唔可以講下道理﹖我係一間用橙色貓做代言嘅公司工作。

1. 有單據14日內係可以換貨，但有啲野蠻人N年前買完話黎換貨，而且無單 KEEP單係客人嘅責任，又或者買完問你要唔要單，你話唔要，一陣又話要，但其實我地要撕毀啲單佢嫁(PS擔心有其他人偷單)。你想我地點搵比你﹖

2. 要膠袋可唔可以一早講，我地通常一開始問你，你話唔要，但你買成籃野。算9數﹗你有多啦A夢個百寶袋，P你個K，比曬錢先話都係要，收銀又要重新放返啲貨落袋，想快就幫下手啦契弟，一早話要膠袋。

3. 贈品嘅問題－其實唔好再問，有就有無就無，佢一定係指定咗贈品，唔係我地話送咩就送咩。唔好以為我地係老細好冇﹗而且贈品會送曬嫁，佢唔係黑洞啊，送曬就送曬嫁啦，想點啊﹖

4. 印花換購產品－有時印花換購產品要買換購卷，買前你地好撚心急嫁，仲問點解咁耐啊。有貨叫你拎，叫極唔嚟，當初又咁心急，有又唔嚟拎，洗唔洗搵大橋請你嚟啊﹖

5. 我地每間鋪頭大細唔同，大間啲當然啲貨齊啲，唔好乜鳩都話佢寫你公司有賣嫁，你估間間鋪頭賣嘅野一鳩樣嫁咩﹖唔洗理大細鋪啦，係咪？

6. 好多客人以為自己係平衡大師，有啲沖涼SET裝堆起咗。你班白痴﹗拎最底果兩件就一定冧落嚟嫁喎。又唔叫人幫手，話幫你又唔洗，冧落嚟又少我地。除非你係平衡大師，唔係唔該叫人幫，或者慢慢拎 。

同埋呢，我地啲貨通常最新係最前面果件，因為我地上貨唔會一件一件搬落嚟再睇日期再上， 當然你地懶醒無問題嘅。

7. 除非收銀員唔係收緊錢，唔係嘅搵其他同事幫你啦。收銀員幫唔到你，佢幫其他客人收緊錢，佢出唔到嚟貨場。佢收錢分心好麻煩，佢答你問題又慢，你問佢，佢都係搵其他同事幫你嫁喳。施主，幫幫手啦。

8. 我明。比完錢當然要放錢，但可唔可以唔好慢慢嚟，慢到一件一件咁放入去。後面條隊排到你屋企啦，唔好咁自私得唔得啊﹖仲有一家大細唔好企曬係收銀機度啦，無其他客人無問題，有其他客人比緊錢你都咁，企一邊會死嘅﹖其他地方地下有屎嘅﹖唔係比錢嘅就後面等啦﹗你企係度做乜鳩﹖

轉載請註明來源：今天頭條