手提電話變得越來越普及，已經去到一個完全失控嘅地步，冇左手提電話， 就好似冇條命咁， 出街唔記得帶銀包都唔會唔記帶手提電話， 手提電話由以前個年代打出打入，到依家巳經好多嘢都透過手提電話去操作，上網啦打機，食飯訂位搭車call車call的士 ，基本上如果有社會冇左手提電話根本上乜都做唔到 。手提電話嘅款式越來越新穎和輕巧，甚至會將來會有摺疊嘅螢幕，當然啦價錢亦都相當昂貴 。一部手提電話價錢 ，等同一部手提電腦差唔多。好多人都捨得比高價錢去買一部電話都唔捨得買部手提電腦，因為手提電話嘅功能基本上同電腦差唔多， 甚至乎方便過手提電腦。
我嘅年代係傳呼機嘅年代 ，以前讀書嘅時候擁有一部傳呼機已經好巴閉。我記得學校禁止帶傳呼機返學 但我哋好多同學都偷偷地攜帶一部返去威下一。以前嘅年代約朋友去街出去食飯去玩 ，要之前一日講低時間地點 ，如果放飛機又或者遲到都唔知點算 。依家手提電話方便咗好多 ，你試下放飛機追到你瘦呀 ！而家嘅生活真係方便好多 ！
時代進步科技進步但係以前冇手提電話嘅年代我哋又咪咁樣生活 ，反而依家嘅手提電話導致生活質素變得差咗 ，也導致好多日常活動都已經失去咗意義 ，同家人食飯 、飲茶 、過時過節 個個坐埋一齊只掛住玩電話上網打機 ，以前大家坐埋一齊傾計團聚 ，到而家無言以對個個掛住玩電話 ，完全違背咗一家人團聚嘅意義 ！
在街上個個dup低頭㩒電話已經成為全球社會嘅風氣 ，與手提電話相關嘅交通意外嘅比率亦都不斷上升 ，不過時代不斷進步 ，到依家已經冇得返轉頭 ，我叫你唔好用電話都無可能嘅事 ，所以為有大家小心啲啦！
轉載請註明來源：今天頭條