近期緋聞多多嘅余文樂，先後同小儀、周冬雨扯上關係，不過樂仔一一否認，話同周冬雨只係劇情需要扮情侶，而小儀更加係冇可能，除非過幾年都搵唔到女友先會「在一起」！落曬閘保住single身份，都係為咗方便識女仔。日前樂仔被影到揸住架200萬新車去中環夜蒲，期間同一名外籍索女密密傾，之後仲直落銅鑼灣宵夜食拉麵！

周冬雨同小儀都唔係樂仔杯茶，咁呢名疑似新歡又確係唔錯！鬼模叫Janine Claase，南非人，係本地model公司CalCarries旗下model，身高有成180cm，同樂仔外形都幾襯！

Janine Claase係樂基兒師妹，來港發展已有8年，連身份證都有埋！Janine晌ig放咗唔少旅行相，當中唔少得三點式泳裝，雖然唔算魔鬼身材，但勝在夠青春有活力！

除咗夠陽光，Janine亦熱愛藝術，歐遊唔係去瘋狂shopping，而係踩單車周圍去，貼地得嚟又有氣質！

轉載請註明來源：今天頭條