我本身係TST某間律師行做秘書, 由於公司得我同我老世(某律師), 所以事實上我係同打雜無咩分別既所謂秘書, 基本上公關, 上court, 陪老世見客, Filing, 公司所有事務, 總之大小事咩都要做, 但其實我都好鐘意呢份工, 但可惜咁岩撞正格離辦公室有個咸濕老世,

由於佢話自己之前係做督察同人面廣, 所以成日接到好多生意彈比我老世, 起初佢有時會搭下我膊頭, 我會覺得佢扮下fd, 所以無野, 但佢愈來愈過份, 成日趁我老世出左去, 得我一個係公司既時侯走過黎講咸濕野, 又摸我手手腳腳, 所以之後得我一個既時候, 佢禁鐘我都會扮無人唔開門, 但佢有次竟然打比我老世話無人係公司, 攪到我老世鬧我, 有時就算我老世係公司, 佢行出行入都會摸我背赤,腰同patpat, 有次我一個收工鎖門咁岩撞到佢, 佢仲係咁扯我入佢辦公室, 話入面無人, 叫我入去傾下計, 係咁抆我入去, 我已經同佢講我有男朋友, 叫佢唔好再攪我, 但佢話"我知呀, 我夠結左婚, 有咩所謂,

咁先刺激..."好變態, 因為佢同我老世有太多利益關係, 我唔敢得罪佢, 亦唔敢同我老世講, 當呢個情況持續左幾個月左右, 有次我老世叫我同佢仲有格離個老世去開會, 我好唔想去, 所以我終於同我老世講佢成日抽我水既事, 起初我老世都同意比我一個人時唔開門比佢, 同埋儘量避免比我見到佢, 但由於公司唔夠人手, 有時真係無辦法避免到, 而我老世亦唔會出聲, 佢話格離個老世唔得罪得, 黑白兩道都識好多人, 所以根本我地都好似做唔到d咩, 當情況依然無改變過既時侯,

我老世竟然叫我放假, 佢話格離老世出年3月會搬, 到時叫我先再反黎, 我當然唔想放假啦, 之後佢話一係叫我全職做外勤或係屋企幫佢draft文件, 叫我避下先, 唔好返公司, 仲話人工所有野維持不變, 只係工作模式改變左, 其實我好唔想, 但佢好堅持, 所以唯有照佢意思做, 我唔明點解明明係格離個老世唔岩, 攪到我又要比人放遂, 仲好似做賊咁, 之後我真係日日係屋企on call, 出去filing老世都次次約我係唔同地鐵站唔同卡交收,

佢話驚比格離個老世撞到喎, 直頭好似地下黨咁, 呢個情況維持左1個月, 今日老世又叫我出去filing, 之後佢話要炒我, 問我好唔好....我真係好唔開心, 我唔知我做錯d咩? 我先係受害者, 佢話曬係律師, 律師唔係好勁既咩, 我覺得佢成件事既處理手法都好有問題, 咁係咪如果女仔係公司比人抽水, 想保住份工就一定唔可以出聲?

轉載請註明來源：今天頭條