彭于晏《破風》預告片HEHE味濃

就嚟上映嘅英皇電影《破風》推出咗最新嘅官方電影預告，預告一反傳統，兩位男主角台灣型男彭于晏同內地演員竇驍大玩「HEHE」味，令一眾網民睇到津津有味！

s$ C6

一套熱血青春片點解會充滿HEHE味？睇埋啲相你就會明。

原本電影講述彭于晏同竇驍等演員一齊追尋「單車夢」，應該係好熱血，好青春！但呢段預告入面，彭于晏同竇驍踩單車時，一支水兩分飲之餘仲有手拖手，竇驍又一邊甜笑一邊幫彭于晏按腳，當見到彭于晏同女主角王珞丹一齊嘅時候，竇驍更加即刻失魂到玻璃都撞爛埋！網友睇到呢幕之後，都話段片實在Cut得太好，講笑話剪片人一定係「HEHE」嘅粉絲！

唔止兩位男主角嘅動作曖昧，佢哋嘅對白亦相當有嫌疑！彭于晏情深款款咁同竇驍講：「甚麼事都可以重新來一次，我們也可以。」另一幕又話：「我說過我的夢想裏怎麼可以沒有你！」好難唔令人想入非非！而除咗「HEHE」情節精彩之外，片中仲有彭于晏爆肌同韓國男星崔始源出浴任你睇，完全滿足觀眾口味！難怪咁多網友留言話自己Replay咗好多次啦！

網民有話兒

emxxxng：剪得超正！Cut片嗰個一定有私心！

神xxx：對白最頂癮～

janxxhax：踩單車踩出情lol

王xxx：我係男仔但我都鍾意彭于晏啦，超型！

yaxxxya：我睇咗差唔多10次...始源出浴得幾秒

呢張相三個男人竇驍（左起）、彭于晏同崔始源企起度單手舉高部車MAN到爆。{! \/

鏡頭一轉彭于晏同竇驍踩細車，男人味無曬只係得番好CUTE！

之後仲摸大髀…………英雄幻滅

兩個人飲一支水。

手拖手踩車。

仲要好溫柔咁按腳，HEHE味出曬嚟！

仲未FEEL到HEHE味？唔緊要，睇埋啲神對白先講。

兩個男人深情對望講：我哋重新開始

男人嘅夢想裏面………

係另外一個男人，對白講到咁樣，真係好易推測呢部其實係男男片。

想知真實係乜？入戲院自己慢慢探究啦！同場加映崔始源出浴照一張。

轉載請註明來源：今天頭條