劈咗幾粒鐘，離開時，李思捷扶實飲到面都紅曬的 Cory行。

娛頭

當街扯 灌酒三小時 氹 34D彭湘淇過夜 李思捷 5分鐘搞掂

42歲的李思捷自與「春卷」王寶寶甩拖後，主力雜食的他最近又有新 target，不過今次唔玩驅風中女，而是只有 20齣頭的「身心美慈善基金」靚女副主席彭湘淇（ Cory）。

二人孖住到山林道食日本菜，兩杯落肚，「雜食王」立即出招，氹對方繼續下場。就算女方唔多願，李思捷亦唔肯罷休；經過一輪當街拉址後，飲到貓曬的 Cory最終就範，齊齊坐的士返李思捷何文田山道寓所過夜。

坐房慢慢歎

家底、名氣，李思捷要正正經經搵番個女友，一定唔難，同春卷分手後，雜食王卻全力玩就手，更老嫩通殺，早排搭上有「馬來西亞第一名模」之稱的人妻謝麗萍（ Amber），但轉個頭，已更新目標，轉溝有 34D火辣身材的彭湘淇（ Cory）。

上月十日晚，本刊發現李思捷一支公現身尖沙咀山林道一間日本料理，未幾，就見身穿低胸白色連身短裙的 Cory到。約女撐檯腳，李思捷特別安排坐入 VIP房，免受其他食客騷擾。

現場所見，侍應不時進出房間，為二人添酒，其間更見已飲到有醉意的 Cory急跑入洗手間，十居其九飲到想「劏」！

覓食高手李思捷多次拉 Cory上車返屋企，只見女方不斷 fing開他嗌走。

已經飲到貓曬嘅 Cory，任由李思捷抬上車。

到口的美食，當然唔會輕易放走。

欲拒還迎

八點飲到十一點，腳浮浮面紅紅的 Cory才由李思捷扶實離開。李思捷第一時間截的士並拉 Cory上車，但她不斷想 fing開對方，擰頭嗌走。

覓食經驗豐富的雜食王當然不會輕易放走到口的獵物，一招「情聖」上身，輕撫 Cory額頭再加三兩句甜言蜜語，掂咗！

欲拒還迎的 Cory上到車，即與李思捷攬埋一嚿，一齊返李思捷位於何文田的寓所繼續 happy。

當知道對方原來要跟埋上車， Cory立即企定拒絕，李思捷轉用軟功，輕撫女方額頭扮情聖，成功氹掂欲拒還迎的 Cory。

上到的士，二人攬埋一嚿。

李思捷成功帶 Cory返何文田寓所繼續 happy，今晚有著落。

得戚回應

本週二（八月八日），李思捷被問到同辣模 Cory當街拉扯一輪後，再同返屋企繼續下場，他一臉不耐煩，還反問記者：「我同好多女仔喺山林道食飯，俾張相嚟睇嚇，我話俾你聽係邊個。」之後急急腳上車走人。

記者致電求證女主角時，一開始 Cory認識李思捷，但當問到她上對方屋企過夜，即表現緊張。

「嚇！冇！（我哋親眼見到李思捷拉你上車，之後你哋一齊返佢屋企？）你哋（指記者）究竟影咗咩相呀？（你同佢拍拖？）其實已經識咗李思捷六、七年時間，識咗咁耐，點會到而家先一齊？

「（你飲到好醉，記唔記得？）我哋成班朋友去飲嘢，之前有合作所以多咗傾偈，我唔喺香港，遲啲再講！」彭湘淇說。

擁有 34D火辣身材的彭湘淇（ Cory），為「現代美容中心」代言多年。

李思捷同年輕十五年的「春卷」王寶寶拍拖多年，男方多次偷食斷正，完全當正印冇到，最後分手收場。

李思捷在無綫新劇《超能老豆》中化身湊仔公，更加與童星羅梓龍上埋契，父性大發。

Cory曾將同李思捷的貼頭合照 po上網。

Cory同李思捷早前在慈善晚宴上碰頭，全程形影不離。

咬住唔放

據了解，二人是今年初在朋友生日會相識，月前的慈善晚宴中再遇上，李思捷便鎖定目標，全晚咬住 Cory唔放。

「嗰晚係『身心美慈善基金』年度晚會，今年大會請咗李思捷做嘉賓，其實現場有好多 model，但 Cory係副主席，所以被安排同李思捷坐。佢兩個全晚已經好好傾，估唔到真係咁快搞埋！」當晚有在現場的一名

轉載請註明來源：今天頭條