拓也哥床上宣布戀情 靠把口贏得嫩男歸

靠把口揚名亞洲嘅日本基界紅人拓也哥，有指佢口技非凡，各地善男信女都慕名搵拓也哥過番兩招，希望一技傍身咁話。

拓也哥唔止有開基吧，佢成名後仲踩入演藝界，今年孖住波多野結衣拍台灣片《沙西米》登上大銀幕，早前又推出處男單曲《鎖緊喉嚨》，更先後上《康熙來了》等台灣、內地節目兼到兩地出騷，呢兩年對佢來講真係大豐收，近日佢仲喺網上曬命，公開一段同一名年輕型男嘅床上親密短片。

拓也哥近日喺床上拍片宣布戀情。

據知拓也哥最近終於搵到真愛，呢名年輕壯男外型唔錯，喺片中攬實拓也哥係咁錫，拓也哥都唔執輸啜爆男友，更顯得一臉陶醉，事後佢承認已找到另一伴，亦逐一回應好友們嘅祝福。身在沖繩嘅拓也哥噚日再公開煙韌短片，今次就配上西野加奈嘅情歌《如果有真命天子的話》，佢兩個喺當地你啜我一啖，我又啜番你一啖，真係好肉麻。

好sweet...

賀35歲牛一 黃宗澤曬「朱古力」肌

今日係藝人黃宗澤（Bosco）嘅35歲生日，Bosco喺呢日向粉絲們大派福利，上載裸上身照片，大騷一身結實肌肉，而一向出名孝順嘅佢生日願望不忘父母，留言：「好吧，我生日，送禮物，我只希望我父母身體永遠健康，我愛你倆！」

黃宗澤騷一身結實肌肉大派福利。

轉載請註明來源：今天頭條