MM：幫我介紹個男朋友啦。

ME：你之前果個呢？對你幾好嘎，散o左咩？

MM：對我係好好，不過無錢，份工無前途！我同佢分佐啦。

ME：咁你想搵點樣o架？咩條件啊？

MM：唔使好靚仔，要人好，最重要係有錢！

ME：咁幾錢先叫有錢？幾錢符合你要求？

MM：肯定有車有樓啦，有公司，要寶馬或者BENZ，

ME：哦，我識得好多，我地D車主基本上個個都開公司，而且我哋D車唔差得過寶馬同BENZ。

MM：咁你唔介紹俾我識？ ？ ？

ME：介紹俾你啊？o個D人要求好高，要夠靚要夠高仲要有氣質。我見到人地D女朋友都係模特兒啊、明星仔啊或者好有氣質既OL咁囉。

MM：我自問都係靚女啊。

ME：但你企埋人地o個個圈子呢？ ？ ？

MM：咁你即係踩我o者？係咁啦，唔想同你講！

。 。 。 。 。 。

其實唔係我想踩你，係你唔踩唔得。

我要踩你，都要你訓系度嘎，你企得高企得直嘅話，試問我又點起到腳呢？

呢個世界，好多女人中意扮上菜，或者妄想自己系上菜。

一直嘆穩唔到好條件既男人。關鍵系，你為佐得到你想要既你做左幾多準備？你有幾多資本？你遇上一個好男人，你憑乜野去獲得對方讚賞？

你想穩找個身家一千萬，你自己至少也該有一百萬去襯翻人哋嘎。當然，我嘅

意思唔係指確切既錢，而係資本。

你既才華、學歷、職業、品格、樣貌身材、氣質談吐、知識閱歷仲有你嘅家底!

唔好著重處女，但保持純潔！等等都係做上菜既資本。呢D，都要靠自己

有男人對你好既時候你，你挑三揀四，吊高黎賣。當你覺得你個男人無前途既時候，

係咪都檢討下自己有無資本呢？

當你自己有資本既時候，更有資本既男人自然會搵上門，

使咩你自己搵得咁辛苦嗟。記住，上菜通常都唔外賣嘎！

好似我呢個女性朋友咁，覺得自己系上菜，要金盤玉盞先配得起，

咁既話，只能慢慢等，等到變隔夜菜咯。

一個自身唔努力，旨意曬個男人嘅女人，就算幾靚，都只能得到男人既歡心同錢，永遠得唔到愛同尊重。

呢個社會無論男女，個個都好現實，無人唔想過更好嘅生活，搵到條件更好嘅伴侶。

只不過男人無女人咁幸福。男人知道，我要得到呢一切，必須要自己去努力搵錢去實現。

--------------------------------------------------

同樣道理：

好多男人都話要搵個樣靚身材正，條件好嘅女人做老婆，但係你又有幾多斤兩??

同緊自己女友時, 又嫌三嫌四！

嫌人波唔夠大！腿唔夠修長！ 樣唔夠靚！學歷唔夠高！工資唔夠多！

見到第個條件好嘅靚女果陣，又朝三暮四，搞曖昧關係！

多次約會靚女出來吃飯，吃完就係兄弟面前嗮命：

「琴日，我同佐XX靚女去左邊度邊度吃飯」

「上星期，我同佐XX靚女去左邊度邊度體戲」

系兄弟面前，或者你會好有面子！

但係你咁做又有咩用？有咩用？你估佢地會同你過世咩？ 會同你挨？

咪傻拉！系度浪費時間浪費金錢，浪費青春！

正一傻佬！多做D對你事業有幫助的事好過拉！

你憑咩去追果D條件好嘅靚女？而掉低你嘅正牌女朋友？你有咩資本去追人哋？

你供得起人地每日一張S&K Ⅱ ？你供得起人哋所有名牌衫？

男人啊！男人！對住面鏡：打開銀包睇下，自己有幾多斤兩，

無? 甘就腳踏實地，安守本分做人啦！多D關心下你身邊嘅佢，多D愛錫你身邊嘅佢算罷啦！

其實揀伴侶同揀車一樣！當我哋開住部小車系條路飛緊嘅時候，

不時咁有好多寶馬、保時捷咁嘅靚車擦身而過，直至消失遠去......

貪靚嘅我哋不時咁回望同幻想！黯然回過神來，睇下自己果部小車,其實我部小車都唔錯,

一直以嚟安穩、舒適咁車住我哋上山下海！不離不棄！直到永遠！

好多嘢都係可遇不可求嘅！望下就好啦！千其唔好為佐試著件晚裝,而放棄佐件溫暖牌,

晚裝雖華麗，但最多只能著出嚟，系眾人面前嗮一嗮命，過眼雲煙，一迅即逝！

而且著起身會好大壓力「因為佢太貴重」！

溫暖牌雖平凡但只有溫暖牌先可以俾倒舒服、柔軟、溫暖嘅感覺你,

系永遠嘅，唔變嘅，無壓力嘅！只因平凡先可以帶俾你純淨舒服嘅感覺！

轉載請註明來源：今天頭條