我最近好似鍾意左一個好神秘既男人

而我咁多年對佢既了解，知道佢一年去好多次旅行

同埋鍾意一個人鍾意單身，好多時都一個人出國

講下我同呢個男人既關係先

話說...我同呢個男人喺十幾年前，ICQ年代識既

當時係我ADD佢，一開始我已經覺得同佢好好傾

然後一直都係維持住網友關係，日日都上網傾偈，冇乜特別

從來只有我問佢野，佢好少八卦我D野，但都依然好多野傾，同埋我同佢完全冇MUTUAL FD既

識左2,3年之後，當時我仲好細個，唔夠20歲，有次因為某D事好唔開心

我問佢可唔可以帶我去澳門玩下? 點知佢真係應承左

咁我地第一次見面就喺澳門喇~

見面後發覺佢唔多出聲既，我又係唔多出聲

全日大家講野都唔知有冇20句

隔左2星期我問佢去唔去睇戲...佢又肯

由見面到睇完套戲，都唔知有冇5句對話..........

就係咁...佢喺我印象就係真人唔講野，完全係個悶蛋

如是者，我同佢當年由ICQ，到MSN，再到FACEBOOK，到而家已經識左1X年

中間冇再約過出黎喇，我亦都唔記得佢咩樣喇

我地一直都有KEEP住CONTACT，隔2星期左右就會傾下偈

一傾就傾到好夜唔願訓

每次我有要求，佢都會滿足到我

試過有次我整斷腳，出面有樣野我想買但出唔到街

佢會整好曬包好曬寄黎俾我

電腦有咩問題，佢會WHATSAPP遙控教我點整

心入面一直好感激佢

早2年，我同佢講開貓，因為我係個貓痴黎既，好想去貓島

我打趣話"不如你帶我去"，佢亦好爽快咁話好，叫我儲夠錢就約佢

中間佢亦搵左D關於貓島既資料過黎

但因為我成日去睇韓星，所以次次都係飛左韓國

到左上個月，我又有D唔開心，我問佢幾時去旅行，我想搭單一齊去

本身係諗住佢會話"冇咁快呀，冇PLAN呀"之類(我認我發牙痕)

點知佢答我佢岩岩RESIGN左，可以去不過要快D CONFIRM

當時情況如果話"我講下咋"就會顯得玩野

所以傻下傻下就又BOOK左機票酒店租埋車...其實我當時都唔知自己做緊乜

個心其實幾擔心，佢咁靜唔多出聲，又咁多年冇見，一見就外地，一對就對足幾日...

臨出發前幾日，佢SEND好多旅遊資料黎，又提我記得帶呢樣帶嗰樣，已經覺得佢好細心

到出發嗰日，我仲搭緊機場巴時佢WHATSAPP我佢已經到左坐左喺度等我

點知我去到我搵唔到佢，因為完全唔認得佢

而佢一搵就搵到我(因為佢個FB從來唔POST自己D相，我就成日POST既)

佢一黎就問我有冇帶D入境文件...不過冇帶都唔緊要，因為佢幫我印左

嗰下其實我好SURPRISE，因為我已經有咁上下年紀，好少人仲會咁照顧我喇

由機場到搭緊飛機時我地不停講野...嗰刻我好想問佢"呢幾年受左咩刺激??點解變得咁多野講既???"

去到目的地玩嗰幾日我真係好開心，因為成個TRIP都係佢PLAN

我只係負責食同玩，佢乜都就曬我

以前佢俾我既"悶蛋"印象完全冇曬，我地全程都不停講野傾偈

同佢既話題都好有營養，佢乜都識D，同佢講乜佢都搭到口

當然呢幾日我地好正常咁去左個旅行，其他行為咩都冇發生過(我地同房，但一人一張床，非常地正經)

中間我有同佢講過好SURPRISE真係會同我去玩

佢話"我咩都得架喎，同FD去又得，好似你咁三唔識七又得，我成日自己一個旅行架啦"

返到香港後，岩岩上機場巴，旅行畫面一路喺個腦度閃黎閃去

嗰下我已經掛住佢，不過當時太夜喇我都唔想WHATSAPP佢嘈佢

之後我地日日都有WHATSAPP，傾得都幾密，D話題都係圍繞我地下次去邊度旅行，幾時去，去邊個景點

搞到我完全唔想返工想即時又再去...但當然得個諗啦

我就開始返工，佢又繼續放假，隔幾日佢又同個男仔FD出TRIP

嗰幾日佢日日都KEEP住SEND相黎俾我睇佢去左邊，食過乜

我地傾到唔停手咁，有幾下我想問佢"你唔使理你個FD架??"

每次我收到佢WHATSAPP都好開心

如果一耐少少唔見佢有MSG黎我好失落咁...呢刻我知道我好似鍾意左佢喇

到左前晚，佢又返左香港

佢今次返左香港後，同我好少返D聯絡

好多對話都係幾句就完，我好失落...

到底我有冇機會??定係我諗多左??

轉載請註明來源：今天頭條