先講一講,我係男,唔靚仔,比較高,成篇文章有D長

其實我同而家太太上年年尾結婚,同佢十年前相識,十年前我咩都無,個陣銀行得萬零蚊,個陣18歲(佢同我同年),同佢相識之後半年就轉左第二份工,開始轉換一下環境

到2008年開始就一路自己搞自己生意,一路打工,2010生意開始穩定收入多左,佢既工作亦開始愈黎愈好,到2013年,佢因為一D原因,可以有兩個月大假(連續個隻),佢去緊旅行時,我就買左樓,諗住開始plan 黎緊結婚既事

佢就係個兩個月加埋去左八個國家玩,大部分都係同佢D朋友去玩,有歐洲幾個國家,日韓,馬來西亞,個陣因為我已經有能力,亦幫佢出左大部分既錢

之後開始發現佢個人比以前鍾意左玩,玩既定義唔係話出去酒吧個D,而係每星期都要去船P,行山,或者一D 出外既活動,佢因為工作關係,需要輪班,有時返朝早,下午放工就會約朋友hitea之類

總之就係唔會想留係屋企,而我因為生意做大左,近三四年她少陪佢,我亦唔介意講一講,我年收入係超過200 (大家可以唔信,亦唔好問我做咩行業有呢個數)

唔知係唔係因為大家拍拖愈黎愈少共同活動,所以佢係2014年7月一次船P個陣 (我無去) 識左個男仔,年齡比佢細,個陣我知道佢同個男仔傾得比較埋我就發現唔對路

同佢講,叫佢唔好同佢聯絡初初佢都肯,但無幾耐,就會暪住我同佢繼續傾,有時為免我知道,更開始會刪what's app訊息(一陣會交代點解我會知),到2014年年尾個陣

佢有次同我講,約左某個女性朋友去睇電影,咁我都無質疑佢(因為我極少都唔會係佢唔知個情況下check 佢野),而係2015年1月1日 叱吒佢話約左一班朋友去睇

咁我都無去問佢,之後佢1月3日話個電話有問題,開唔到what'sapp,因為佢用iPhone 關係,我一早幫佢設定左會每星期備份,咁岩就備份左1月2日之前既資料

之後我幫佢刪左佢重裝,咁正常重裝後就會睇返開唔開得返,之後就發現左佢同個個男人原來之前去左睇電影,而唔係同個女性朋友去睇,亦都發現左1月1日只係同個男仔去睇叱吒

因為個陣已經一齊住既關係,我即時問佢,大家嘈左好勁,我係一個非常火爆既人,佢亦係,所以大家火星撞火星咁,搞到好大件事,最後無事,我係同年2月14日就同佢求婚,心入面希望盡快結婚可以了卻所有事

但後尾比我發現佢同個男仔仍然有聯絡,而且有次佢仲承認同個男仔有咀到 (已求婚後)之後佢話佢做錯左,求我原諒,咁我亦真心好愛佢 (曾經有次佢跌落海為左救佢,自己隻腳比D野整到無左忽肉)

之後如事者,係上年2015年時結左婚,為左令到大家都覺得佢無選擇錯人,我前後連埋禮金使左大約100萬,係酒店到擺酒,而且好多野都係專登用錢去堆切出黎

當然,個位男仔亦無請佢黎,咁之後同佢去左瑞士渡蜜月,當時都有少少嘈交,主要都係因為我係一個工作狂,去到當地D上網速度好差,我自己英文麻麻地,瑞士又只係講德文,英文我又一般

搵老婆去同佢地傾,老婆唔肯,就嘈交

如是者,婚後我仍然工作,因為我自己有D夢想,佢亦都知,希望可以係35歲前能夠做到,同埋我亦以能夠係40歲住係九龍塘既獨立屋為目標,婚後經常工作到好緊要,基本上一個月都無2日係一齊同一時間訓

好多時我都係不斷做野,之後到今年4月去旅行,大家嘈得好緊要,佢要離婚

今次我開始重視家庭,因為我個一刻係到諗,我已經有樓有車有老婆,再繼續工作,都係只數字上既分別 (因為呢一刻,我即使唔額外任何工作,單係而家既客已經夠我過著非常中產生活,亦唔使擔心任何金錢壓力)

咁我亦有問到佢朋友同自己朋友我有咩問題,主要離唔開幾點

1.) 我自己工作狂,成日做野唔陪佢

2.) 我好易同佢嘈交

3.) 唔識浪漫,好多時D野都係諗住用錢解決

咁我自己知道問題後,亦係今年5月中開始,改善以上既情況

最近幾次佢會有好多無理取鬧既發脾氣,我亦可以控制得好好,佢發完,我最多唔出聲,做好佢唔滿意既事,之後再同佢講返,佢亦都好開心我肯咁做

(呢到離一離題先,我係一個識煮飯,但唔係經常煮既人,呢點係朋友都有話我煮野食唔錯既,經常會叫朋友上黎開party

亦肯做家務,吸塵,拖地,洗碗,倒垃圾,執屋,洗衫,收衫,洗廁所等,絕大部分家務我都會經常基至每日做

自己係唔煙,唔酒,唔賭錢,每日返工放工同埋屋企睇碟外,幾乎好少出街

女人最關心係我會唔會有其他女人,呢點可以肯定係無,因為我係同所有女性幾乎零聯絡,除左公司同事之外)

而自己亦多左陪佢,生意上唯有多請兩個同事去處理自己D野,擴展公司亦都暫時放下

但最近同佢傾返呢個問題,佢話佢同我睇唔到將來,覺得好似唔會有結果咁,佢亦話同我變得好淡

我都有講過,兩年前佢識個男仔開始,如果當初佢肯聽我講,封左個男仔聯絡方法,大家呢兩年唔會因為每次我發現佢同個男仔有聯絡時嘈交,大大小小加埋最少30次以上,每次我都叫佢封左佢,大家無交可以嘈,但佢唔帝

而且佢係一個成日將分手離婚掛係口邊既人

佢尋日同我講,會想搵屋搬出去住,我話,我地結婚一年都無,你搬出去,基本上同離婚無分別,佢都覺得好似無問題,而且佢話佢有錢可以買樓

(其實佢D錢九成以上來自我,因為我而家每月比佢家用5萬,但屋企除左水費同媒氣費之外,無野需要佢出,電費,管理費,停車場租錢,屋企所有大小用品,有野壞左等,全部係我另外再拎錢出黎)

佢而家戶口既錢,我知道幾多,基本上個D係全部都係我比佢 (未結婚前我已經每月比1萬蚊生活費比佢,而佢當時所有開支大部分都係我出,包括佢去旅行)

佢而家話佢有錢可以搬出去,但佢睇個D單位大約都要8-9K一個月,佢年收入大約30萬左右,基本上佢一搬出去,已經消左佢人工3份1,仲未計所有支出佢自己負責哂

佢以前成日掛係口邊,話唔使我搵咁多,一個月5,6萬就夠,但最緊要陪佢多D

我實在唔知條路應該點行

為左佢,我放棄左好多野,公司發展上都停左,只係維持住現有情況,而性格我亦改左好多,我係一個覺得只要肯做,無野係無可能既人,所以一發現問題,就會即使去改善

而一向我有時間都會車佢返工放工的 (時間通常一星期最少2次)

而家呢一刻,真係唔知應該點做,你問我,我唔想放棄佢,因為要搵一個習慣自己既人唔易,要搵一個陪伴自己十年既人,好難,要搵一個肯同你一齊捱左咁多年,到你事業有成 (認下叻先,我係21歲時已有人生第一個100萬係銀行,25歲時已經同時買車同買樓,27歲時用左100萬去結婚,28歲即今年時,個人資產超過1000萬)

我咁多年黎只係佢一個,亦都因為佢當年同我拍拖時,我係身無分文,我白手興家,所以更唔應該放棄一個陪你捱出頭既女人,家母曾經講過,我而家呢一刻有既錢,要搵第二個身材好,樣靚,性格都比老婆好既,絕對唔難,但我只會同佢講,要搵一個肯你咩都無時跟住你既女人就無可能既事,而家痴埋黎既女人,你唔會知佢真心定只係想享受貪你D錢

文章來源: https://www.twgreatdaily.com/cat54/node1123986

轉載請註明來源：今天頭條