女子組合FFx月初玩拆夥，棄將楊澤怡（Shirley）上星期哭訴遭43歲前經理人何英傑（Sam）威迫做奴弟，又大爆FFx其他成員的發生關係，年僅17歲的周葆諭（Christy）與Sam即齊聲指Shirley講大話，事件演變成羅生門，不甘被指大話蓋大話的Shirley坦言可跟Christy等人當面對質，還大爆Christy介入導致分手後，經常被Sam針對性辱罵，Shirley憶述說：「五月出席母親節活動後，Sam漏夜call我、Christy、Mizaki出嚟鬧，喺保母車上狂爆粗要我叩頭認錯，結果我驚到癲癇發作暈咗，到醒返時發覺自己衣衫不整，Bra扣和褲頭鈕都被解開，下面感到好痛……」

資料圖

不甘被指講大話的Shirley日前再度接受《頭條日報》訪問，對Christy否認搭上Sam一事，Shirley說：「我無講大話，係Christy親口同我講Sam搞佢，話好驚，因佢未夠18歲，如果真係咩關係都冇，佢係咪可以去驗處（處女）？」至於跟Christy和Sam之間的關係究竟係點？Shirley哭著說：「Christy一直知我同Sam嘅關係，但估唔到佢會做小三，仲要講大話屈我做雞，佢哋唔係人。」

現年43歲的何英傑Sam，成功以900元廉價MV捧紅FFx成為一時佳話。

Christy（網上圖片）

Shirley爆喊指在Sam和隊友眼中連狗都不如，她說：「Sam對我有時會o氹有時會鬧，我唔識分咩叫好同唔好，以為佢只係工作壓力大先會咁，試過被Sam禁錮喺保母車上一日一夜不停鬧，五月出席母親節活動後，亦被Sam漏夜call上車鬧，當時Christy、Mizaki都在場，Sam狂爆粗又拍打車廂，要我跪地叩頭認錯，我驚到癲癇發作暈咗，到醒返時架車已返到大埔（大學宿舍），車上得番我、Sam和司機，我發覺自己衣衫不整，Bra扣和褲頭鈕都被解開咗，下面感到好痛……」Shirley泣不成聲，待她稍為平復續說：「我有為呢件事鎅手，亦打算會報警。」Shirley透露跟Sam一起的日子，先後三度鎅手入院，又試過服藥自殺，現在總算清醒，「我只係想做返個正常人，唔想再被人屈我做雞！」 記者就此事聯絡Sam，惟截稿前未有回覆。

憑《Sugar Baby》廉價MV爆紅的女子組合FFx，近日是非不斷，繼月初三位成員李詩詠（Ceci）、潘穎琳（Mizaki）及周葆諭公開數臭21歲來自兒童之家的楊澤怡「三宗罪」後，被遺棄的Shirley即爆喊指，加入FFx兩年來一直活在經理人何英傑的淫威下，收工被帶到時鐘酒店、曾遭掌摑威迫性交、密做三百場騷僅得七千蚊人工，直至Sam搭上17歲女神Christy才被踢出局，報道出街後，Christy與Sam齊聲否認拍拖，直指Shirley講大話。

文章來源: https://www.twgreatdaily.com/cat54/node1079593

轉載請註明來源：今天頭條